سواليف – رصد – فادية مقدادي
استعاد مغردون على #تويتر #تغريدة للفنانة #صبا_مبارك كانت قد نشرتها بتاريخ 12 أيلول / سبتمبر الماضي قبل افتتاح #فيلم_أميرة قالت فيها :
على الطريق لافتتاح فيلم اميرة، من اكتر اللحظات الي رح اتذكرها، صح مبينة مسترخية بس كنت خايفة ومتحمسة وقلبي بيدق بسرعة كتير، ردود الافعال عالفيلم كانت خيالية .
وبعد الجدل والغضب الذي اجتاح مواقع التواصل الاجتماعي بسبب إساءة الفيلم للأسرى والمعتقلين في سجون الاحتلال ، اجتاحت الردود الهجومية الغاضبة على الفنانة صبا مبارك من جميع #الدول_العربية ، رافضين كل ما تحدث به النقاد والإشادة بالفيلم ، وأكدوا من خلال ردودهم على تغيردة مبارك رفضهم للاساءة للأسرى ومحاولات التطبيع والتزلف للعدو الصهيوني .
موقع سواليف الإخباري رصد بعض الردود على تغريدة صبا مبارك
اسرانا عندهم تاريخ غني بالبطولات و الله اذا تدوري قصة مثيره لاسير بدل ما تلاقي قصه واحده تلاقي مليون ،،،، تركتوها كلها و دورتوا على قصة خياليه واهيه تكسر عزيمتهم و تكسر الامل فيهم ،،، لكن هيهات #اسرانا_خط_احمر#اسحبوا_فيلم_أميرة
هذا تشويه وتشكيك بنسب اطفال الأسرى وتشكيك بزوجات الاسرى المحصنات ، ما خدمتو قضية الاسرى المقدسة بل بالعكس ضريتوها ما نفعتوها ، يجب على نادي الاسير الفلسطيني ووزارة الثقافة مخاطبة الجهات المختصة في الاردن لوقف ومنع عرض الفيلم نهائيا في اي مكان في الشرق الاسط او اوروبا
يعني وانت تصوري الفلم مفكرتيش قديش فيو اهانة للاسرى وابناء الاسرى وكل شخص فلسطيني !
الهدف المسموم في الفيلم، هو الشك و التخيل.. عملية تحرير النطف مش عشوائية ولا هي عملية سهلة، و ما في اي شك او اي حالة ظهرت فيها أي شوائب شكوك وهاد اللي مجنن المحتل اللي اساسا بسعى بكل الطرق انه يمنع الأسير من الحياة و مش قادر، وهاد الفيلم موظف من الاحتلال .
من مسلسل “الاجتياح ” ل فيلم “الاميرة” رحلة سقوط ، كان بإمكانها تكون رحلة سطوع .
الفيلم اللي رح يقضي على مستقبلك الفني كله ويمسح تاريخك.
عشان يعملوا فيلم يحصدوا عليه جوائز على حساب أسرانا البواسل اللي انتي ومين كان معاكِ بعاد العمل المشبوه لو تعيشوا الف سنة ما بتقدروا تعيشوا ساعة وحدة او حتى دقيقة، شو عايشين الأسرى!!
شو الغاية من هيك فكرة بتشكك بولادنا. اكتر من ١٠٠ طفل قهر الصهاينة، اليوم جاي فيلم واحد وعربي يشكك فيهم، وانتي صبا !!! لسه دورك ما بينمحي من بالنا بمسلسل الاجتياح وقديش كان مؤثر ومهم … للاسف اليوم خذلتينا بشكل سيء.
يعني تخيلي توصل فكرة الفيلم العظيمة ل للاسرى تخيلي اذا حدا فيهم دخل الشك لنفسه لو ثانية وحدة كيف رح يحسوا ويفكروا يعني انا مش فاهمة شو الهدف هو تخويف الاسرى واهلهم وايقاف تهريب النطف ولا ايش لانه مافي الا هاد الهدف الكل شايف .
برافو عليك انت خدمتي الاحتلال بخدمة كبيرة خلي قلبك يدق ويدق كثير .
لو وظف الشاباك والموساد عشرات شركات العلاقات العامة والإنتاج الإعلامي، للإساءة للأسرى، لما أنتجوا مثل هذا الفيلم العربي المسيء لهذه القضية المقدسة .
تحدي الإحتلال و كسره هيبة و شوكة اعتى سجان بيجي مجموعة بدهم شوية attention على كم مشاهدة و جائزة يهينوا الاسرى في بحجة انه ليس وثائقي و من محض الخيال اللي ربنا يحرمنا منهفلسطين و الأسرى اكبر من انه ينحط اسمهم بافلامكمكتير اكبر منكم الموضوع.
اتبع الأسرى والمحامون ومن يساعد على تهريب النطف وصولا إلى المستشفى أقصى درجات الحيطة والحذر، وكان الناقل يقسم على كتاب الله بحضور شاهدين ثقات من أهل الزوجين أنه استلم النطف من الأسير وحافظ عليها حتى أوصلها إلى مأمنها” القضية ليست خاضعة للمزاج الدرامي .. ولا للتشويق السينمائي
كان لها كثير مسلسلات ناجحه ومنها نمر بن عدوان بس بهذا الفيلم مسحت كل ماضيها الجميل
إذا احنا العرب صارت تنحسب شهرتنا عحساب دمنا ودم اهالينا واطفالنا، ف م بقي عتاب ع الاغراب ، وين راحت النخوة ،لو كل وحدة فينا تحاكي نفسها بموقع الأسرى الفلسطينيين ، وأهاليهم وذويهم ، شو حيكون موقفك ك انثي عربية ، كفاك استعراب .
ولا أي شي ماضي أو لاحق ممكن يبرّر أو يشفعلك مشاركتك بهذا العمل الخبيث والجاهل والمسيء لأسرانا الأبطال في سجون الإحتلال يا صبا، وبغض النظر عن أي إغراءات مادية أو معنوية تقدّمتلك، انتي لطّختي سيرتك بوصمة عار عمرها ما رح تنمحى.
مجتمع الفن والفنانين ياريت قبل ما تفكروا تجسدوا معاناة الأسرى ..او أي قضية انسانية او وطنية ياريت تتخلوا عن مصالحكم وطمعكم بالبطولة والمراكز .. وتقدموها للعالم بصدق لانه في النهاية هاي قضية انسانية وتاريخية ووطنية..فياريت تقدموها مثل ما بتستحق بدون استغلال او تشويه او اختصار.
الاساءة للاسرى واسرهم ليست موضوعا خياليا تستطيع ان تتلاعب به كيف تشاء،هو طعنة وخيانة وتنفيذ لمخططات الصهاينة الذين يريدون كسر شوكة الحركة الاسيرة وتشويه نضالها.ولا يوجد اي مبرر لاحد في الموافقة او المشاركة بهكذا خيانات الا ان يكون خائنا معدوم الشرف والاخلاق #اسحبوا_فيلم_أميرة
