البطولات الزائفة
قصص لن تنتهي عند الشعب الأردني
والأردني دائماً البطل فيها
1 – اي شخص بدخل بمشكلة … لما تخلص خذلك عرط
واستعراض ( نص ساعه وانا بنص الهوشة واقاومهم ونازل فيهم ضرب)
(والله غيبت 5 منهم , 3 بعدهم بالعناية المركزة و 2 بغسلوا كلى )
طبعاً لو انك مش واقف عالحدث معه ممكن تصدق …
2- لما يسافر العسكري مع قوات حفظ السلام برجع وبكل ثقة
( والله اني طخيت 12 واحد من طالبان و 7 من سناكيح هاييتي و3 من أريتيريا) هيك وطالع حفظ سلام !! كيف لو انه بحرب ؟؟ بطلع بطل الحرب العالمية الثالثة
3- لما يروح الأردني رحلة عالبحر الميت ( الغشيم بعرف يسبح فيه )
برجع والله اني قطعت نص البحر سباحة ولولا خفر السواحل ولا كان رحت عفلسطين بالغلط )
4 – بتلاقيه اول مره بدخل جامعة ( رايح زيارة مع صاحبة )
برجع عالقرية ” اني والله زبطت نص بنات الجامعة ” ” اني والله كلهن حبني”
5 – بلقى فنان مشهور او لاعب كرة قدم او مسؤول حكومي بالشارع بالصدفة
بتصور معه ومباشرة بنزلهن عالفيس بوك ” انا وصديقي دولة ابو فوزي ”
” انا وصديقي الكابتن كريستيانو رونالدو ” , ” انا ورفيق العمر الفنان عمر العبداللات ”
6 بذكر بالزمانات واحد كان يسولف عن حاله انه السبب في سقوط طائرات امريكيا خلال حربها على العراق
قال الأخ ” لما كانت طائرات الأمريكان تعبي وقود من الأردن , كنت اخلط الوقود بالماء , لهيك لما تطير الطيارة كانت تصير تنتع بالجو وتقع ”
7 – وبالشغل والعتالة ما حدا قد الأردنيين , مستعد يرفعلك قلاب رمل على الطابق الثالث بربع ساعة فقط , و 1000 بلكة بنص ساعة
والدليل انه المليون مصري الي بالأردن تركوا الأردن من قلة الشغل ورجعوا عمصر
8 – وعتطبيقات الفيس بوك
اختبر نسبة ذكائك , او شخصيتك , او اعرف من هي زوجتك
بطلعله ” زوجة المستقبل نانسي عجرم أو هيفاء وهبي”
المسكين بنزلها عصفحته وبعيش الدور
9- مش متذكر شو في كمان عرط وبطولات زائفة
الي متذكرله قصة يضيفها …….