جاهة الاصلاح

#جاهة #الاصلاح

أسعد البعيجات


الناس في العادة لما ينوي يزوجوا ابنهم
بتروح الام والاخت يزورو العروس يشوفوها ودردشة لساعة زمن مع فنجان قهوة .
اذا صار في ارتياح اولي من الطرفين بيجي الشب وامه واخته زيارة ثانية
بقعد الشب مع البنت .
اذا صار في ارتياح ثاني من الطرفين الشب والبنت
يتصل ابو العريس مع ابو العروس ويرتبوا جلسه ثالثة يتم الاتفاق على كل اشي وقراءة الفاتحة .
بعدها يتم تحديد الجاهة وتذهب الى طلب يد العروس .
لاحظ الجلسة الاولى والثانية والثالثة لم يتجاوز الحضور من اهل العريس واهل العروس عشر اشخاص .
لانه الطرفين ناويين على الستيرة وبعدها تيجي الجاهة بعدد كبير للأشهار .
تخيل من اول يوم اهل الشب بدل ما تروح امه واخته راح امه ومرت ابوه واخوانه وكل خواته وكل عماته وخالاته وخواله واعمامه واولادهم يعني حوالي ٥٠ واحد راحوا وكذلك عمل اهل البنت جابوا نفس الشي.
الي رح يصير بعد ما تخلص الزيارة
اهل الشب رح يطلّعوا ١٠٠ عيب في البنت واهلها…طويلة قصيرة ناصحة ضعيفة بتقرط
وكذلك اهل البنت رح يطلّعوا ١٠٠ عيب في الشب واهله..
طويل قصير ناصح ضعيف
في الاخير الامور ما رح تمشي ولا رايح الشب يكمل نص دينه
ولا ربع دينه
هذا اذا ما طلع من دينه من ورا هيك ترتيبات !!!!!
الدولة عندنا هيك عملت في الاصلاح بعثوا ٩٢ واحد مع رئيس حتى يشوفوا الدستور (العروس ) وما أخذوا معهم الشعب (العريس ) … راحوا ينقوا عروس للشعب على كيفهم !!!!
جزء كبير من ٩٣ يتغنوا بشهادات امريكا ودوراتها لكن ولا واحد منهم قال ان دستور الولايات المتحدة الامريكية اعتمد على شخصين جون جاي و جون آدمز ….
ولا واحد منهم قال شو هالعدد الكبير هاظا ؟
#دستور امريكا طول بعرض اعتمد على شخصين فقط.
اما الي ماخذ ٩٣ واحد ما اعتقد انه ناوي على جيزة ولا على ستيرة !!!
والله لو انه #عرس ما هو هيك !

اقرأ أيضاً:   المرأة الذبابة
اظهر المزيد

مقالات ذات صلة

اترك رداً

زر الذهاب إلى الأعلى