الطعام ام العلاج
استلمت صافي الراتب 130دينار بعد ما قص البنك الاقساط ..
مرضت البنت… صرنا نستعمل كل الوصفات العربيه المعروفه..اغلي ميرميه..دهناها بزيت زيتون وبندول مسكن وما وصلنا لنتيجه.
اخذنا تكسي و3 دنانير الله وكيلكم
طبعا ما في تأمين صحي ليش بعد خدمه 23سنه بقطاع خاص وتامين صحي خاص
وبعد ما رموني عظم واكلوني لحم والغو التأمين الخاص
وهاي اول مره نويت استفيد من التأمين الصحي الحكومي. . بلشنا 1.65 كشفيه ودخلنا عالدكتور وطلب شوية فحوصات
24دينار وطلب صوره شعاعيه 44دينار وعلاج 3 دنانير والاجمل طلبنا اجازه للمدرسة صدقوها 2.20 دينار
ورجعنا بتكسي 3دنانير .
طبعا لازم نراجع بعد 3 ايام لنوخد نتيجة المختبر يعني كمان 6 دنانير تكسيات…
الولد بدريس بجامعة ال البيت 5 دنانير قبل ما اغسل وجهي .
ومصروف البنات للمدرسه ما في مجال للتأجيل .
المهم بسأل مدامتي شو ناويه تعملي اكل ..الرد ما حدا جاي عباله يوكل..
فكركم بدهم يوفروا علي ولا انسدت نفسهم عن الاكل
شو رايكم نترك هالاولاد يموتوا وبلا ما نعالجهم ولا نتبع صوموا تصحوا …
حاب اسمع رايكم ….
