طير صغير / ابراهيم انشاصي

طير صغير
زمان واحنا صغار كان في واحد كل الحاره تخاف منو ……. قعدت افكر …..🤔كيف لازم اخوفو ويصير يخاف مني ……. مالقيت حل!!!! ……. بصراحه انا ماكنت خايف منو لأنو لو اجه بدو يضربني كنت عارف حالي اسرع منو وبقدر اهرب ، بس خفت على منظري قدام ولاد الحارة ، وبنفس الوقت زهقت منو …….😒
مرت الأيام ….وبالصدفه كنت ماسك طير (حمامة) ……ومرّ ابو كرش من جنبنا وحسيت انو ما قرب علي ، شفت الخوف بعيونو ….
من شو خاف….🤔….؟؟؟؟
في الأخر قررت امسك الطير واروح عندو ، ولما قربت ، صار يبعد ، وعرفت انو بخاف من الحمام من يومها صرت احب الحمام ودايماً اشتريلو قمح وذرة ، وما اعطيت السر ولا لبني ادم عشان اظل انا الأقوى …….مع انو بالحاره كان في كثييير كشيشة حمام ، بس كنت اقوى منهم كلهم
بإختصار …… لو فكرنا شوي بنلاقي
الحاره كلها كانت تخاف من الحمام
إلا انا!!!! …. لأني كنت اخوف فيه اللي كانت كل الحاره تخاف منو …
ولو فكرنا كمان شوي
بنلاقي انو انا قويت من طير صغير
بس لم كبرت اكتشفت انو

” بحفنة قمح وشوية ذرة ممكن تخوِّف وطن بأكملة”