زيارة مهمة

بسم الله الرحمن الرحيم
زيارة مهمة
نهيل الشقران

– سمعتي يخيتي رئيس الوزرا بده يزور مدرسة مصعب
– لا بالله ، قالوا وزير التربية النعيمي
– لا يخيتي بده ييجي رئيس الوزرا هيك سمعت
– طيب احنا شو دخلنا ؟ اهلا وسهلا بيه وبللي معه
– ما فهمتي عليّ
– وشو بدّي أفهم ؟ طول عمرها الرمثا بتهلّي وبترحّب بالضيوف
– ولك بنعطيه ورقة بلكي ساعدنا بأكمّن دينار كل شهر من المعونه
– بتعرفي ؟ الله لا يشبعك ، ولك مهو كل شهر بفوت دارك ألف دينار رواتب اولادك لثنين
– وشو فيها يعني لو زادولهم ميتين دينار ؟ حرام ؟
– اه حرام لأنه في ناس أحقّ مني ومنّك ، وهم اللي لازم نخبرهم أنا ويّاكي بلكي على الله صحّلهم راتب من الشؤون يساعدهم ع الحياة
– مثل مين يعني ؟
– قلّة فقرا بالحاره !! عندك ناس كثير مش ملاقيه خبز حاف
– بتعرفي ؟ والله إنك صادقه ، خلص بروح معك على ناس يستحقوا طلب المساعدة وبنوقف معهم ابشري