مين بضحك على مين ….؟؟؟؟؟؟ / يوسف الابراهيمي

مين بضحك على مين ….؟؟؟؟؟؟

في ظل التسارع الغير مسبوق للأحداث في المنطقة العربية والمحلية يبقى السؤال المطروح مين بضحك على مين ….على الصعيد المحلي قصة المدينة الجديدة أو العاصمة الجديدة وبنفس الوقت مش قادرين يحلو مشاكل عمان إلى بتفوت فيها مشان تقضى غرض بدك يوم كامل وعشرين دينار بنزين ….يعني على مين بضحكوا ما بتعرف ….!!! قصة الخبز والرفع والدعم ….وكل ما يجي دولة جديدة بحكي نفس ألحكي …الدولة الموازنة المديونية نحن تحت المجهر الفساد والفاسدين ومجلس الدمى ….يعني نفس القصة الكل بضحك على بعضة وأخر شيء البنك الدولي بحكيلك أحنا ما طلبنا من الحكومة ترفع الخبز …!!!!! يعني دولة جذوووووووبة ….يا عيب العيب والله ما مرت علي ها السالفة .
أما على الصعيد العربي التغيرات في السياسات السعودية وظهور الفساد والفاسدين مرة وحدة واعتقالات وقصة سعد الحريري والإقامة الجبرية والرئيس اليميني والإقامة الجبرية أيضاً والتشاحن بين إيران والسعودية ….وقصة ها الأشقر قصدي (ترامب ) رايح جاي على المنطقة وبدو يقم ويحط ويضرب …الواحد حاس حالة انه بمصارعة …سبحان الله العرق دساس .
في النتيجة أخواني هاي لعبة تحمل صفة القذارة الهدف منها خلط أوراق المنطقة وتغير المسميات السياسة وتقسيم سياسي جديد لبعض الدول العربية الكبرى وتغير للوجوه استعداداً لخطة التغير الجغرافي الجديدة القادمة وتقسيم الفطيرة من جديد يعني ممكن بعد عشرون عاماً من ألان نصبح ثلاثون دولة عربية وممكن أكثر..وممكن يفكروا يعملونا دولة واحدة تلم الرابش كله إذ اعتبرونا أصلاً من صنف البشر….مع جزيل الشكر للغرب والدب الروسي السابق والإدارة الأمريكية والخونة….والكل بيضحك علينا.

اظهر المزيد

مقالات ذات صلة

اترك رداً

زر الذهاب إلى الأعلى