سدر فوسفات زرب
انا : عمو وليد شو بتعمل بنص الليل؟
عمو وليد : اااااااخ يا عوده
انا : سلامتك من الاخ شو فيه ؟
عمو وليد : اطلعت برآءه بس مش عارف كيف الشعب بده يصدق انه انا بريء
انا : خلينا يا عمو نفكر بطريقه نقنع الشعب انك بريء
عمو وليد : ايدي بزنارك ، شوف اي طريقه وانا جاهز
انا : اول شي لازم تشتري اواعيك من الباله عشان تبين طفران ، ثاني شي لازم تعمل روجيم وتبطل تاكل جمبري ، ثالث شي اسلخلك أكم رغيف فلافل الصبحيات عشان تصيبك حرقه وتتقن دور الألم .
عمو وليد : هههههههههههه ، معقول هيك بيقتنعو ؟
انا : بيقتنعو بس ما عليك ، ركب صوبة حطب واشتري بكم غرفه الله بعينك ، ولا تخلي وزير يزورك ، عبي جيبة الجاكيت بزر عين شمس ، ولا تنسى تحفر علامة صلاه على جبهتك وهيك الشعب بصدقك وراح يتصدق عليك كمان ، الله بعينك على اسبوع زمان .
عمو وليد : بتعرف اذا بتزبط اطلب اللي بدك ياه ، مع انه مش مقتنع بهالمسرحيه
انا : يا زلمه هاي رئيس الوزراء مثل بمسرحية الموازنه دور ابيخ من دورك بمسرحية البرآءه وزبطت معه .
عمو وليد : اذا مشت عالشعب قصتك اطلب هديتك بلسانك
انا : بدي بس تنكة فوسفات بالسمن البلدي .
وليد الكردي بريء من دم الفوسفات برآءة الذئب من دم يوسف ، اذهبوا بكمشة فوسفات وألقوها على وجه وليد يأتي اليكم بريئاً ، اما انهُ متهم فهي أضغاثُ احلامٍ يا شعب ، انت يا مواطن اعرض عن هذا واستغفر لذنبك انك كنت من الخاطئين .
اذاً ما الذي حدث :
وضع احدهم ” كمشة ” فوسفات في رحل وليد فنادى منادٍ ايتها الحيتان انكم لسارقون ، فأخرج الموظف حبات الفوسفات من الجيب الخلفي للكردي ، وقال لوليد ” شو رأيك نسرق الفوسفات او بفضحك” فقال وليد : الفوسفات راودني عن نفسي واستعصمت ، فقال الموظف انه من كيدك يا فوسفات ان كيدك عظيم
عمو وليد احلمت انك بتعزمني على سدر فوسفات زرب ، يا عمو الله يخليك نبئني بتأويل رؤياي اني اراكَ من المحسنين .
تلك أحسن القصص في الفوسفات يا وليد .
