مخابطة

مخابطة

وليد عليمات

مرة أمي حكتلي شيل صينية الكاسات وابريق الشاي بطريقك حطهم عالمجلى.. عشان ما ارجع مرة ثانية دحشت الكاسات والابريق عالصينية. وشلتهم بيدي لأنه شايل التلفون والشاحن باليد الثانية
وقع التلفون نزلت اشيله وقعوا الكاسات واتكسروا وانكب توالي الابريق.. رحت اجيب المكنسة بسرعة تزحلقت. مسكت البرداية وقعت البرداية.. واجا الجسر تبعها على راسي… وقفت ضربة قزازة برجلي.. ظليت اعرج.. لحد ما وصلت صيدلية البيت طلعت الشاش واليود عشان اعقم الجرح انكب على البلاط..
لدت علي الحجة بنص عين.. ويلها تقولي سلامتك.. ويلها نفسها تكسر راسي..
قلتلها : خلص يما رح استقيل… المرحلة محتاجة رئيس غيري

وليد_عليمات

مقالات ذات صلة
اظهر المزيد

مقالات ذات صلة

اترك رداً

زر الذهاب إلى الأعلى