سواليف
وجه رئيس جامعة اليرموك ا.د. زيدان كفافي دعوة خاصة للسيد عبدالله حماشا لزيارة اليرموك يوم الاحد حيث سيكون باستقباله شخصيا على البوابة التي تمت اساءة معاملته من قبل بعض الموظفين الخميس الماضي.
واكد كفافي ان اي سلوك فيه اساءه في التعامل مع زوار الجامعة انما هو سلوكا” فرديا” لا يعكس باي حال من الاحوال سياسة الجامعة مع اصحاب الحالات الخاصة والتي تعتبر اليرموك من بين اكثر الجامعات انفتاحا على المجتمع المحلي وتعاونا وتقديما للتسهيلات لفئاته المختلفة. مؤكدا انه سيصار الاحد الوقوف على ملابسات الموقف واتخاذ ما يلزم من اجراءات بحق كل مقصر في اداء واجباته او اساء المعاملة. مشيرا كفافي الى ان القيام بالواجبات لا تعني باي حال من الاحوال الاساءة لكرامة الناس.
وهاتف كفافي قبل قليل حماشا وقدم له الدعوة لزيارة اليرموك و لقاءه في مكتبه برئاسة الجامعة وتناول الغداء بمعيته ومن ثم اجراء جوله له على مرافق الجامعة في رسالة بمثابة رد اعتبار.
واكد كفافي ان ما لانرضاه لانفسنا لا نرضاه لغيرنا، وان كرامات الناس محفوظة وان القيام بالواجبات لا تعني الاساءه .
وكان السيد عبدالله حماشا كتب منشورا في صفحته الشخصية في فيسبوك قال فيه :
ياحيف الي مفكرين كل حدا ع كرسي بتسول حتا كرسينا حاسدينا عليه ياربي ✋
مدير جامعة اليرموك بتمنى يوصلك هالبوست وانو تعلم بعض المشرفين الي بشتغلو جوا خلو تفكيرهم بذوي الإعاقة أرقى من هيك وتفهمهم انو كل واحد ع كرسي مش يعني متسول 👇
جاي عبالي فوت جامعة وتفقت مع ابن خالتي انزل معو زيارة وزبطت بس جيت افوت ما رضيو ما زعلت لانو شغلهم وعادي يعني 👌
قلت دافع اجار سيارة ولازم افوت وما تكون جيتي ع الفاضي فتت من بوابة ثاني والأمر طبيعي وفتت 🌹
وعادي قعدت مع ابن خالتي وصاحبو 10 دقايق انبسطت فيهم صراحه كثير كثير ولفيت شوي فيها وقفني واحد تبع امن حكالي انت عراسنا وربي يقويك أجا المشرف الي ما رضي يفوتني يحكي انت شو فوتك وانا كحشتك عن الباب ليش ترجع تفوت ضليت ساكت لانو شغلو جيت اطلع تبع الأمن حكالو عندي المشرف حكا خلو عادي 😍
بس مشيت من عندهم ئي واحد من المشرفين اجا بحكيلي انت جاي علينا تتسول لانو مبين انت ع كرسي لأنك 🙄
انا هون انفعلت حكيتلو انا كرامتي ما بتسمحلي اوخذ قرش احمر من العالم انا كرامتي خلتني افتح بسطه عشان ما اوخذ قرش ولا احتاج حدا وبدي اصرف من تعبي 👌
التمو علي مجموعه من الامن يشوفو شو القصة
طنشتهم لفيت وجهي وطلعت انا طالع حكيتلها عنجد الرصيف استقبلني احسن منكم وع الاقلية ما هت علي بقعدتي عليه عنجد الشارع استضافني احسن منكم يا مشرفين جامعة اليرموك
بس حكيت هيك الشباب انفعلو وقلبو ع تبعون الأمن انا طنشت وضليت طالع ✋
طلعت ع الباب في تبع كوشك برا بالشارع رحت عليه حكيتلو بدك تستقبلني والا تفكرني بتسول وضحكت 🤣حكالي يزم انت عراسي والي بدك ياه ابشر فيه وقعدت معو وكان أشرف من المشرفين تبعون الجامعة ✋✋
صراحه ما تضايقت من أنهم كحشوني لانو شغلهم وحقهم عادي يعني بس انو لو كان تعاملهم معي ارقى من هيك لو كان تفكيرهم بذوي الإعاقة انو همو الله خلقهم هيك ع كرسي انو مش كل حدا ع كرسي معناها شحاد أو متسول لانو في كثير من ذوي الإعاقة رغم حقهم الضايق ما بقبلو قرش من حدا ولما قعد ع الكرسي هاض مش ذنبو بس ياريت كان تعاملكم راقي وما كان تفكيركم انو كل حدا ع كرسي معناها متسول 👌
والله انتو المتسولين بتفكركم الهمجي بتفكيركم الي خلاني اكره اشي اسمو جامعة بتفكيركم الي خلاني اكرهكم ✋ بدكو تكونو مسؤولين بجامعة عن اشي المفروض تتعاملو مع العالم بأسلوب حلو بس بأسلوب يشتم الواحد 👌
عنجد كلمتهم انو متسول هاي بعتبرها اكبر شتم الي ومش من حقهم يحكولي هيك بس يلا ربنا معنا وبعين❤️
كرسيي هو كرامتي ♿💪
مجتمعنا همجي ما عمرو بتطور ما رح يتطور لانو حتا بجامعاتنا هيك بفكرو ✋
جامعة اليرموك انتي بتكرمي ضيفك بس للاسف بعض الي بشتغلو فيكي مخربينك 👌
ما حكيت اشي غلط انا حكيت الي صار معي والي ضايقني ❤️
اعملو مشاركه عقد ما تقدرو ♿
#ملك_الكرسي
