فيسبوكي عريق
محمد عياش القرعان
عندي صديق عريق من المحاربين القدامى على الفيس بوك ومن الذين شاركوا بالهاشتاق الاول للفيس بوك، بقول يا أخي صارلي اكثر من عشر سنين وانا بحرث على الفيس بوك وعندي خمس الاف صديق والكثير من المتابعين وبكتب اكثر من احمد حسن الزعبي وديك الجن، ومع ذلك هاللايكات هن هن لا بزيدن ولا بنقصن “80_90 لايك” هاذ اذا بكون وقت الذروة…
_فكرك يا اخي شو المشكلة؟!!!
_يا اخي شو رايك أنطيك حل جذري لمشكلتك، حل بخليك تبطّل تلحّق لايكات وتعليقات وشيرات…بتصير لو تعطس او تقول اليوم “السوء عجئه” بتجيب الف لايك والف تعليق وشير ويمكن اكثر؟!!
_يزم قول إيدي بقايشك،بس شو شو هاي شير، اول مرة بسمع فيها؟!!
_شير يعني شير ب… …خلص بديش اقولها..يزم اذا مش عارف شو معنى شير وقاعد بتقولي عريق ومحاربين قدامي وووو…!!
_طيب خلص ما علينا.. فكنا من الشير هاي….شو الحل طيب؟!!!
_الشغلة بسيطة، راس مالها اعمل بروفايل جديد بإسم بنت وحط صورة وحدة حلوة من النت وأي اسم بتحبه، وبعدين تعال لقّي عن راسك مسجات عالماسنجر ولايكات وتعليقات وشيرات….
بصراحة (***) كثار ما راح يقصروا معك ابدا!!!
__والله جبتها من الآخر…. هسع بدي اعمل صفحة جديدة، استعنا بالله!!
