سياسة مخابطة وصراع تيارات
وليد علميات
واحد متزوج وساكن فوق أهله… كل يوم في مشكلة بين أمه ومرته.. وهذي بتشكي وهذي بتشكي لحد ما قرف عيشته…
راح على أبوه الختيار السياسي #المخضرم وشرحله القصة..
قام الحجي.. شفط على سيجارة الهيشي. وحكاله عندي خطة استراتيجية..
أول شي لازم نعتمد على الإعلام… والرأي العام
.
سأل أبوه :وشو نعمل..
قال الأب : إنت خلي مرتك تشكيلي أنا ع أساس أنا مكافحة الفساد.. وانا بخلي أمك تشكيلك إنت عاساس إنك صاحب القرار.
قال :وبعدين يابا
قال الختيار : إنت تروح ع مرتك ع أساس إنك معصب.. وتتفق معها إنه إنت تخلي حالك تضرب فيها وهي تصرخ بالكذب.. عشان تسمعها أمك..
وأنا بتفق مع أمك إنه اضربها بالكذب عشان تسمع مرتك الصوت..
قال : وشو رح يصير يابا
قال الختيار : اسمع ونفذ… الحكومة مجربة هالقصة وزابطة معها.. خلينا نجرب
.
راح الشب وأبوه عملوا إللي اتفقوا عليه.. وبلش يخابط بالحيطان والأبواب.. ومرته تخلي حالها تصرخ من الضرب..
و الختيار #يخابط بالحيطان والأبواب.. والام تخلي حالها تتوجع وتصرخ..
ثاني يوم.. اجا الشب وأبوه دخلوا البيت لقوا الكنة وحماتها يشربوا قهوة سوا ومبسوطين…
.
إطلع الشب على أبوه وابتسم وقال : أنا مش عارف كيف الحكومة استغنت عن خدماتك.. وإنت خبير سياسي ب #المخابطة..
حكاله : صراع تيارات يابا
