حظر ونمر وقرد وطاقية حمرا
وليد عليمات
القرد اشتكى للأسد.. انه النمر كل يوم بلاقيه بالشارع.. ويظل يضربه كفوف… وكل ما يضربه يحكيله (ليش مش لابس طاقية حمرة) وكل يوم ع هالموال..
.
الأسد للنمر : شو بدك فيه هالمسكين.. تضربه عشانه مش لابس طاقية حمرة 🤔💔
النمر : شو اعمل يا سيدي بدي اتسلى
الأسد : طيب اساله أي شي ثاني واذا ما جاوب اضربه.. أما تظلك تضربه لنفس السبب.. هيك بتجيبلنا التايهة
النمر : حاضر سيدي
.
بعد يومين التقى النمر بالقرد في الشارع
.
النمر : معك تفاحة صفرا؟
القرد : آه معي
النمر : معك مفك مصلب
القرد : آه معي
النمر : معك ايفون
القرد : آه معي
النمر (بعد ما زهق نزل بالقرد كفوف😡😡😡 ) : ليش مش لابس طاقية حمرة
.
.الاسد: قلنالك غير الاستراتيجية
القرد : البلد ضاعت
النمر : ليش مش لابس كمامة
القرد الاقتصاد ضرب :
النمر ليش مش لابس كمامة
القرد :الناس خسرت شغلها ومصالحها :
النمر :ليش مش لابس كمامة
القرد: البطالة والفقر زادوا
النمر : ليش مش لابس كمامة
الأسد : قلتلك غير الاستراتيجية 😡
النمر : خلص نعمل حظر يوم الجمعة
القرد :اعطوني فائدة علمية واحدة لحظر اليوم الجمعة
.
النمر (مع كمشة كفوف) : ليش مش لابس طاقية حمرة ولك هاااا😡