أبو قنوه ………وبيانه الانتخابي الاول !!!!
2-2
مساء الخير استاذي الله امسيك بانوار النبي ……!!!!
اهلا وسهلا ابوقنوه حي الله مرشحنا النائب …..الترحيب كله (خوف)ابو قنوه المره جدي وايده تلعب عالقنوه ومعصب ماهو طبيعي !!!!
أه …هات لشوف شوا في عندك ابو قنوه !!!!
ابو قنوه ……ممكن استاذي اقرأ لك بياني الانتخابي ماظل معنا وقت كلهن شهر او بتقوم القرعه على أم قرون !!!
سولف تفضل هات لنسمع !!!!
ايها الشعب الكريم رجالا ونساء وحريم نزولا عند رغبة الاهل والاصدقاء والعشيره ورغبه في التغيير اعلنا النفير من أجل الاصلاح والتغيير ومن اجل ان تبقى سفينة الوطن سائره والرب راعيها وخوفا على وطننا من الايام وعواديها ولاننا نرى الى اين وصلنا في الاصلاح الذي تعثر حاله وصار كل واحد يغني على مواله ومصلحته الشخصي هالاهم ومصلحة الوطن اخر اخباره ولان شعبنا يحتاج منا الى كل مخلص وشريف ليسدد المعوج ويحارب الفساد ورموزه الذين نهبوا خيرات البلاد والعباد ولان التغيير سنه حياتيه وتعظيم البناء اولى اولوياتي وضبط مايجري في بلادنا من تهرب ضريبي والبحث عن شركات الاف شور ومن نهب وخصخص وباع واستغنى بين ليلة وضحاها ولاننا نسعى لخدمة ابناء وطننا الذين اصبح حالهم مثل معايد القريتين لاهم لاجئين اوسكان واصبحت البطاله لهم عنوان وتردي مستوى الخدمات وغياب الحكومات عن العمل على خدمة الشعب المكلوم بعيشه وامنه واستقراره واصبحت الدوله ومؤسساتها للبعض بقرة حلوب ولشعبنا شاة عجفاء ولاننا نرى تغييب اجندة الاوطان واستحضار اجندة الغرباء والغربان والتعين لابناء الذوات والسعاده والمعالي في المناصب والمراكز الاداريه العليا وتوارث تلك المناصب والمكاسب أبا عن جد بحبث اصبح شعبنا لهم مواريث قررت بعد التوكل على الله ودعم عشيرتي واصدقائي واصحابي ممن يعرفونني والذي لا تاخذني في الله لومة لائم قررت الترشح للانتخابات النيابيه والسلام عليكم ورحمة الله وبركاته خادم الشعب …..ابو قنوه !!!!
والله ابو قنوه حميانه معاه الحكايه عن جد …..بس كيف بده احاسب ابو قنوه الفاسدين واللصوص بالقنوه ولا بالقانون …….!!!
ممتاز ابو قنوه بس ما قلت لي كيف بدك اتحاسب الفساد واهله ما هو مجلس النواب اللي ابرئ الفاسدين من المحاسبه !!!!
أبو قنوه …..يا استاذ كله حكي وشعارات ما هو هيك النظام والسستم اللي لازم يمشي عليه القطار ولا مين قادر احاسب الهوامير واصحاب شركات الاف شور ووو…..الخ !!!!
يعني بتضحك على الشعب يابو قنوه….. هو الشعب ناقصه كذابين او طراطير مثلك ….والله اللي استحوا ماتوا !!!!
أبو قنوه …….شو قصدك استاذ …..ما هو كله بيضحك على كله حتى الشعب بيضحك على حاله او ببيع بصوته وبينتخب الفاسدين اللي باعوه لانه بيعرف انه كل شيئ مبيوع هي وقفت علي لحالي !!!!
ههههههههه صحيح بتحكي بس بدنا نصحى لازم انظل مخدرين وعايشين نفس الوهم اللي بيضحكوا فيه علينا اصلاح وتغيير وانت او شلة الطراطير كل اربع سنوات لانكم راجعين لنفس السولافه والهرجه !!!!
أخ أخ أخ الله يكسر ايدك يا بوقنوه سطحت راسي !!!!!
الكاتب والشاعر نايف السليم
Nayef_alslayem@yahoo.com