#اللامركزيه / خلدون سالم حمادين

#اللامركزيه
بسبب صعوبة وتعقيد ( قانون اللامركزية ) الاردني …
ولتسهيل عملية الفهم له فسوف نقوم بشرحه بطريقة مبسطة جدا ….
* الشرح : –
تخيل نفسك بدك تعمل #مطابقه

بتيجي على المحافظة … وعلى اول مجلس (وبترققه) كويس
وبتحط فيه المكونات الي بدك إياها ..وبعدين (بتسفطه )
على شكل دائرة أو مربع حسب الرغبه و( بتحطه ) على جنب ….
بعدين بتجيب (المجلس التنفيذي )المكون حسب الرغبه و ( بترققه ) كويس… و ( بتحط ) بوسطه المجلس الأول …
بعدين ( بتسفطه ) فوق بعضه على شكل مدور …
وبعدين (بترققهن ) مع بعض و ( بتفرده ) على شكل رغيف مشروع …. قصدي مشروح …
وبتحطه على جنب ….
وبعدين بتجيب ( مجلس المحافظة ) المشكل بواسطة نزيهه …. قصدي بواسطة الانتخابات النزيهة و ( بتعجنه )
كويس كويس كويس… يعني تا يدوخ من كثر العجن …
وبعدين ( بتسفطه ) على شكل مربع… وبعدين بتحطه بوسط الرغيف المشروح ( المحطوط ) على جنب سابقا…
وبعدين (بتفرده ) نتفه بسيطه ….
وبعدين( بتحطه ) بصدر و (بتستنى نتفه ) تا ( يخمر)…
وبعدين ( بتحطه) بالفرن تا (يحمر ) …..

وبعدين(بتوووووكل ) تا ( تنفزر ) …..

وبعديها… إذا ما ( بتتغطى كويس ) …. ما ( بتلحق ) عحالك
اسهال… و مغص ….
وصحتييييين وعاااااااافيه ….

قصدي… فهمتوا شرح القانون؟؟؟!!!!

منقول من صفحة … وصفات جدتتي #نزيهة

الصور تعبيرية وللدلالة فقط….

يعني مش عازم ولا حدا فيكو …. بلاااااااش جهد البلا

14484866_1682208985439727_3463552798943542203_n

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى