رمضان و إضراب الكرامة!!!
سأمنا و قتلنا “الزهق” من تكرار الاستماع لبرامج فتاوى رمضان الدينية… ففي كل عام يقوم الكثير من عامّة الناس بالاتصال مع المشايخ الأجلاّء و يبدأ مسلسل الأسئلة المعتادة:
– قطرة الخشم بتفطّر يا شيخ…
– آه بتفطّر…
– طب القطرة بتفطّر بفتحة الخشم اليمين ولاّ الشمال…
– يا زلمة بقلّك بتفطّر باليمين و بالشمال و بدون فتحات خشم كمان 🙁
– طيّب شو بالنسبة لقطرة العيون يا شيخ؟…
– لا ما بتفطّر…
– يعني يا شيخ شو الفرق بين العين و الخشم؟… 🙂
– الخشم و الثم متّصلات بفتحة المريء بس العين بتختلف…
– آآه الله يفتح عليك يا شيخ..طيّب سؤال أخير يا شيخ: قطرة الإذن زي قطرة الخشم ولاّ زي قطرة العين؟؟؟
– الله المسنعان… لا زي قطرة العين…. 🙁
و يستمر المسلسل التركي ألف حلقة و حلقة و المتّصلون يمضغون الأسئلة ذاتها…
بشرى سارّة للمشاهدين الأعزّاء… هذا العام قد تقلُّ هذه الأسئلة و سيكون السؤال الأكثر تكراراً عن قصد و عن غير قصد هو الآني:
– يا شيخ بالله المَيّة و الملح اللي بوخظوها المظربين عن الأكل هظول بفلسطين بفطّر ولاّ ما بفطّر…
– آه أكيد بتفطّر…
– طيّب شو بتنصحهم يعملوا يا شيخ؟؟؟
– عليهم أن يتّقوا الله و أن يصوموا لأنّ الإفطار عمداً كبيرة من الكبائر و يخشى على فاعله من الكفر …
– طيّب يا شيخ اللي بموت منهم و هو مظرب شو حكمه…؟
– هذا انتحار يا ابني… و من يقتل نفسه فهو مُخلّد في نار جهنّم و بئس المصير…. 🙁
– جزاك الله خير يا شيخ و بئس المصير….
– و إيّاكم يا ابني 🙂
يا رجال #الميّة_وملح يا رجالاً عزّ غي زمنهم الرجال… أنتم ما تبقّى من بقايا كرامة هذه الأمّة… لا تَهِنوا و لا تحزنوا فأنتم الأعلون…نناديكم و نشُدُّ على أياديكم… و نبوس الأرض تحت نعالكم و نقول نفديكم
