تزوير التاريخ
هاي يا جماعة الخير بقلك لما راح عنتر بن شداد يخطب عبله، اجا ابو العروس شافها فرصة وطلب منه تنكة زيت زيتون اصلي من زيتون اربد…. وقله يا ريت تكون من الزيتون الرومي تبع المزار……
عريسنا ما كان يعرف طريق اربد
المهم، لف وجاب البلاد …وشاف العباد…وسأل كنترولية القوافل اللي بتروح على الشام حتى وصل الى الاردن…
وصل عمان وسأل عن مجمع طبربور عشان يروح على اربد أرض الخير والزيتون…..
ولما دخل مجمع عمان باربد عروس الشمال قام وقف…
واحتراماً لاهلها ترجل عن جواده….وقال بيت شعر مفاده:
أنا الذي قطع الصحارى في الليالي ,,,لا تأخذني لومة لائم ولا أبالي….
جئتك يا اربد والشوق يسبقني ,,,, وفي أرضك يا اربد سأحط رحالي..
وبعد ان استقبله أهل اربد
– قال يا سادة يا كرام — قالولوة اطلب وتمنى يا كبير ..
طلبك عنا…..
قلهم بدي تنكة زيت زيتون مهر لعبلة، عشان اسكت عمي ومرته….
قالولوا بنضيفك عنا ثلاث ايام وثلث … وبعدين طلبك مجاب يا غالي… وأول يوم من الصبح… جابولوه فطور حمص مع لحمه وفلافل ومخللات ، وعلى الغداء جلد سدر منسف باللحمه مرتب، والعشا لبنه وجبنه مع قلاية بندوره بلحمه بلديه …..
قام أخونا عجبتةالسولافه و العيشة الهنية….
ونسي الصحراء والبرية….
وتعلق أبو الفوارس في اربد وكرم أهلها…
ونثر قصيدة مطلعها:
يا عبلُه على حبك سامحيني ,,,, ففي اربد ضالتي وحنيني
قد كنتُ أخطأت في حبك مرة ,,,, وقد أحببت عليك اربدفاعذريني…
وتجوز من صبحيه اللي أهلها باربد….وهيك خلصت سيرة أبو الفوارس…وترك عبلة تستنى (التنكة). وبلا عبلة وبلا بطيخ…. ونزل بالمكدوس طاخ وطيخ…
ولما ذاق المقلوبه وشاف البكمات محمله البندوره والبطيخ ..
ارتخت مفاصله واشترى ارض ابو العبد وسكن باربد
ولا تصدقوا انه كان تبع حرب وضرب…..
