آخر ما قاله الممرض الزغول قبل وفاته اثناء عمله..وزميلته تروي آخر اللحظات التي مر بها في العمل

سواليف – انتقل الى رحمة الله تعالى #الممرض #صقر #الزغول اثناء قيامه بعمله بإحدى المستشفيات الأردنية في الشفت المسائي وقد روت زميلته آخر لحظات مر بها حيث قالت :

امس بحدود الساعة الرابعة والنصف فجراً تشاركنا انا وزميلي في الشفت المسائي صقر الزغول والذي يبلغ من العمر 27 سنة حديث طويل بعض الشيء نخفف عن انفسنا الروتين الممل لشفت السي المعتاد وكان عن الفلسفة والشعر وكان حديثه بالحرف الواحد فرح انا من ۲۰۱۳ وانا انسان حزين مش رح اقدر اعبر اكثر لكن انا انسان حزين – اعتدت ع الاشتياق والفقد لكن هذا الشعور كل ماله بيكبر بداخلي وبيظهر على ملامح وجهي رديت عليه بكل اختصار وبساطة ” يا ابني الحياة فانية حاول تجاوز كل شيء , في مكان أحسن النا كلنا لو غټرنا نظرتنا للمفاهيم يلي بحياتنا وكان رده احنا بنخدع أنفسنا بالحياة كل يوم بس انا دائما عيوني لفوق بكل الأحوال ” ليقرر زميلنا الاخر يرد بكل رحابة ليغير السوداوية التي عبت المكان ” رد على فرح يا زلمة ، فرح سستر قد الدنيا وبعد هيك قرر زغول ينسحب ويدخل ع الغرفة جوا وحكالنا ” انا داخل اعبر عن مشاعري جوا ” بنفس الوقت يلي دخل فيه طلعت مرافقة مريضة يلي مستلمها زغول وبلشت تشكي من تأخر زغول بالادوية وانه مرت نص ساعة ولسا زغول ما رجع يعطي الادوية .
فحكيتلها كله ولا زعلك يا ستي انا جاية اعطي الادوية عن زغول ، ما كنا نعرف انه باللحظة التي كنت بدافع فيها عن زغول انه زغول قاعد بنازع انفاسه الأخيرة بالغرفة دون ما حدا يعرف الحياة سخيفة يا الله شو سخيفة وهاي انا من الساع ۷:۳۰ قاعدة على طرف الشارع ، هاربة من المستشفى بعد ما شفت زميلي مرمي ع الارض وبعد ( سي بي آر ) ل 20 دقيقة وعشرات الامبولات من الأتروبين والليوفيد . انعى وفاة زميلي صقر الزغول في قسم ال ICU عن عمر يناهز 27 عاماً .

اظهر المزيد

مقالات ذات صلة

اترك رداً

زر الذهاب إلى الأعلى