الاصابات
742٬521
الوفيات
9٬577
قيد العلاج
7٬862
الحالات الحرجة
540
عدد المتعافين
725٬082

هذا وطن يا كبار

هذا وطن يا كبار

نور الجابري

أحزن بعالي الصوت
و الحزن بيناجي
هذا وطن يا كبار
مش مسلخ إنعاجِ
بالقلب هو النبض
ع الرأسِ لي تاجِ

يا وطن مهرك ذهب ..
في محظر الرجالِّ
و الحدّ سيف و ولد
حدودك سقف عالي
بس المهر يا بلد
لاولاد المعالي

لو تدري يا هآ الوطّن …
كم إحنا حبينآك..
و ع الموت كم مرة
بالروح بايعناك
معلش سامحنا
مِن التك توك إنسيناك
أمانه يا وطن
الفيس ما سّلاك؟؟؟!!!
الانستا ما ألهاك ؟؟؟!!!
لولا الاسم و العَلَم
صراحة ما إعرفناك

جماعة البنك
بالقرض رّبطّونا
بحجة الدواعش
بكل شي قاسمونا
كله طلع سياسة
حتى لقاح الكورونا
تقول كاين نذر
إنهم يطعّمونا
والعِلم حتى العِلم
بالعِلم ضيّعونا
واحد و واحد ثلاث
هيك عَلّمونا
و من غير إمتحان
يا بلد نجّحونا
و زادوا الوفيّات
و بالدعم لاعبونا

اقرأ أيضاً:   بائع حلوى المصوّفة

و يا وطن حتى النهج
ما كان إختياري
طلع النهج مقصود
خدمة للحرامي
قالو الوطن محتاج
شوية مصاري
و شحذوا بدون إحراج
صرنا ع كلّ طاري
و كله ببيع فينا
ما في حدا شاري
و الكل بيداري
و الكلُّ بيطبلّ
و الكلُّ بيهللّ
لأصحاب المعالي …..
لكنّ بوقت العوز
بتبان الرجالِّ
اللي سَأل بالمال
و ما همه العّيالِّ
منه ما فيه الرجا
حيفٍ على حالي

اقرأ أيضاً:   الدور الاردني بين الاستقلال و التبعية

يا وطن ضيّعناك
من يوم ما إرضينا
لو إنَّا يوم الرفع
الروس مآ حنينا
و قبل إتفاق الغاز
متنا ولا أحيينا

يا بلد ما خِلصّت
بالحكي جاييكِي
وعن اخبار الخير
إصطبري أرآويكِ
للفيس و التويّتر
فتَحنا الشبابيكِّ
وإذا نَطق الوزير
هَونّي عليكِّ
العربي صح مكّسّر
بس بعرَف أمريكي
و شّوفي شماغ العز
ع الخصر يداريكِ
و الكل ع الشبكة
تخطيط تكتيكي
أمّا وضع الشباب
والله يبكّيكِّ
يا بنت هالايبود
في الذّان مخاويكِّ
رُدّي على العيّل
ببجي بناديكِّ
بس إحذري يا بنت
في الحرب يغزِيكِّ
نَعّمّي الصوت يا بنت
خليّه يراضيكِّ
إغويه يا بنيّة
ولا هو يغويكِّ

اقرأ أيضاً:   أي أصلاحات تُرجى ؟!

لا أمّ تِعرف رِبى
و لا أبّ يحويكّ
حالِك حال الوطن
الكلُّ بنهشّ فيكِّ

لا تزعل يا وطن
قمحك تراه غالي ..
بس بدو شَدّة زلم
مش شَدّة أنذالِّ
بيت ما فيه العمد
ما ينبنى عالي
و هذا علينا عهد
ما نرخص الغالي
و رح نِعدل الأحوال
قولٍ و أفعالِّ
و نكوي اللي مِنكّ نَهب
بنَار الاغلالِّ
و نصير قصة عشق
خيلٍ و خيّالِّ
فنجال قهوة أنا
و أنت إلي دلالِّ

اظهر المزيد

مقالات ذات صلة

اترك رداً

زر الذهاب إلى الأعلى