أهلاً انتخابات … حكاية اليوم
نهيل الشقران
اتّصل أحد المواطنين بالنائب س
ألو كيفك سعادتك ؟ شو أخبارك ؟ إن شاء الله تمام ؟
اهلاً ، مين معي ؟
– معك فلان الفلاني سعادتك، إلي طلب عندك ، وعشمي فيك ما تردني خايب
– تفضّل أخ فلان شو بدك ؟ أؤمرني
– والله هالبنت تخرجت قبل سنه ، وما بدنا الها إلا وظيفة عالإضافي ، ما بدنا تعيين رسمي لأنه منعرف إنه الشغله صعبه كثير
– طيب ابعثلي أوراقها عالواتس لسكرتيرة مكتبي وهاي رقمها هسا ببعثلك ياه كمان شوي
( فعلا سعادته بعد شوي بعث رقم السكرتيرة الكريمة وبعثله أخونا صور عن الاوراق عالواتس )
بس بنفس اللحظه قام النائب المحترم بإضافة رقم المتصل لقائمة الرفض التلقائي … ههههه
ومش بس هيك ، السكرتيرة معها تعليمات بعد ما تستلم الأوراق تعمل حظر لجهة الإرسال .
مسكين يا شعبنا شو بيحزن اذا كان اكبر همومة تعيين على وظيفة عمل اضافي.