تصريح المومني حول تجييش الكتروني ضدنا يثير مواقع التواصل الاجتماعي / شاهد

سواليف – رصد – فادية مقدادي

قال وزير الدولة للاعلام والاتصال الناطق الرسمي باسم الحكومة محمد المومني ان 49% من التعليقات السلبية التي تنتشر عبر مواقع التوصل الإجتماعي وتكون ضد الاردن تأتي من سوريا.

وأضاف المومني خلال سهرة اقامها السفير السعودي في الأردن ان العلاقة بين الاردن والسعودية دائمة وتاريخية وان دعم الرياض للاقتصاد الوطني لم يتوقف.

وكانت مواقع اخبارية قد نقلت عن المومني ان 49% من التعليقات السلبية على قانون الضريبة مصدره سوريا قبل ان يتم التوضيح بأن المومني قصد التجييش الإلكتروني من خلال التعليقات السلبية في قضايا مختلفة بالشأن المحلي.
وعلى إثر تصريح المومني ضجت مواقع التواصل الاجتماعي بتعليقات ساخرة سواليف رصدت بعضها

** الله يمسيكن بالخير رفقاتي
معكن ابو فاروق من سوق الحميدية
من الجيش الالكتروني الحر

** وزير الاعلام محمد المومني : 49% من التعليقات السلبية على وسائل التواصل الاجتماعي ضد قانون الضريبة مصدرها

سوريا

معاليك كيف مرت من عالحدود وفراشه ما بتعدي ههههه اه يمكن مع الخبز المهرب 😂

يا ربااااه …. ركنيه من مكان خطير
😂😂😂😂
لا معاليك كلهم اردنيه بس انا الي من الطفيله

** اصحى يا كبير الأعلام المزور المسموم .نحن طفايلة الغوطه ما النا دخل

** أمرنا مترفيها ففسقوا فيها فحق عليها القول فدمرناها تدميرا وحسبنا الله ونعم الوكيل

** يا شباب بزكاتكن بتعرفوا حدا عنده تحويل وحدات ! لشبكة سيرياتل !‬

** والله زودتوها يا جماعة ترى الناس واعية وتعطيكم دروس
بالسياسة والأخلاق والإعلام كمان ومن المعيب هذه السخافة من الحكومة.

الله حيهم إخوانا بسوريا

**

** شكله المومني عايش بسوريا مش بالاردن مشان هيك بفكر الي متضامنين مع الاضراب من سوريا فعلا وزراء مكاتب فقط ….

** وهو يعني تارك شغلو ومقضيها على النت يقرأ تعليقات

** اشرف العبابنه من ريف دمشق…مع الاضراب

** الطخ بعمان والضريبة بدمشق أخوكم من الغوطة

** وزير الإعلام محمد المومني ينفي أنه قال بأن ٤٩٪‏ من التعليقات السلبية حول قانون الضريبة تأتي من سوريا ، إنما كان يقصد أن التجييش والتحشيد الالكتروني ضد الحكومة يأتي بشكل عام من سوريا وبنسبة ٤٩٪‏ !

تؤبرني وتشكل آسي شو صادء يا معالي الوزير، الشعب الأردني عايش بنعيم ويشعر بالرضا التام عن آداء حكومتكن ، لكن نحنا شوية سوريين يا دلي شو غيرانين منكن وعم بنحاول نشوش على إنجازاتكن.. عم نحس بالقهر ورح نطئ طئيئ كيف الأشقاء في الأردن عايشين بدون ضرايب ولا رفع أسعار والحريات عندكن حبطرش ، وسامح مول كل شوي بعمل عرض والمؤسسة الإستهلاكية عم بتبيع “الأمن والأمان” بتراب المصاري أد ما هو متوفر ..وربنا أكرم الشعب بحكومة أقل يوم عم تصنع عشرين تلاتين إنجاز ، أي بشرفك مو إنجاز إنه نص شعبكن مضرب طول السنة لأنه مو لائي شغل ؟!
فقلنا نفضى شوي ونترك الحرب والضرب ونبلش فيكن.. صدئني إنت لحالك بنحسد الشعب عليك وعلى تصريحاتك القذافية !!

ولا تهتم معاليك .. القافلة تسير وشرطي السير حيخالفها !!

أخوك من إدلب : عبد المجيد كوسا

#اضرب_فإن_الكرامة_تُنتزع_ولا_توهب
#معناش
#إضراب_الأردن
#عبدالمجيد_المجالي

** اخوكن من حمص معكن بالاضراب
اهلين بالابضايات

** صدقوا انه الناس اصبحت واعيه من الصعب تعليق فشل الحكومات ع شماعة سوريا
لانه لايوجد مواطن اردني راضي عن الوضع المتردي

** يزم والله ماهم فاضيين يدفنوا امواتهم السوريين حتى يفضوا يبلشوا بينا ولا يحملوا همنا ئي شي غاد

** الله المستعان
والله اكثر اشي ابنضحك عليه هالايام هي مصايبنا ههههههههههههههه

** يخرب بيتك من حالك …اخوكم ابوعصام مضافه الحاره

** أنا ايمن الطفيلي من حلب /سوريا أدعم الأشقاء الأردنيين في إضرابهم يوم الأربعاء 2018/5/30 طفايلة حلب يدعمون #الاضراب #إصحى_يا_مومني

** تؤبر عضامي يا مومني شو انك مهضوم 🐸

جعلني اقبرك انت والملقي بيوم واحد 👐
معكم ايناس زيد من قلب حلب

** ههههههه محدثتكم من حلب من تحت الأنقاض .. احرض واشجب واستنكر.. شو بيك خيو..
ولك انت ليش مصر تحط نفسك في مواقف باااااايخة

** إي لكان تركوا القصف والتهجير وإهانة اللجوء والحرب العالمية ببلدون لحتى يتآمروا عليهن 😌
يبعتلكن حمّى ع هيك تصريح..
بَدكِن إضراب هنت ويّاه

** أول باشتان شود دخلهن السوريين لمعترين يبعتلو دكا على هيك تصريح
تاني باشتان ما معناش
تالت باشتان يصتفلو يحلو خوازيئهُن بعيدن عنا

** نحنا سوريين ومشاركين بالإدراب
بس بدي ؤول للمومني
إحليف انك ما انزلت على بيت ابو ابراهيم
ولا سرئت الدهبات
إحليف….إحليف….إحليف