كوفيد21

كوفيد21

عوض بديوي

حول #كوفيد19 و #تصريحات #المسؤولين ، و مما حدثني فخامة الحاج الشيخ الدكتور أبو فايق الطهقاني به بالحرف حيث قال بالحرف :
( اسمع يا قرابة يا عوض وإنت بتعرف مقامك عندي و إنك بتسري بدمي مسرى الدم بالوريد و بعد ما أخلص هرجي قب من وجهي لأني عايف جلدة صباحي من من هيك تصريحات حكومية ؛ فعلى سبيل الهرج لا الخنق مع التحليل الخاص :
1- معالي و زير الصحة :المهرجانات الفنية لا تؤثر على السلامة …!!
التحليل : مكن عيشنه في رقص و هز و ارعش هاظا شيءٌ صحي و بنشط الدورة الدموية ؛ فبذبح فيروس كورونا..
2- معالي وزير الشباب : الجماهير الرياضية في ملاعبنا تحمل المطاعيم و لا تؤثر على السلامة العامة ….!!
التحليل : نفس التحليل الأولاني بس أني خايف على إللي بينغلبوا لأته سمة البدن ؛ ( أي الاكتئاب ) بخلي فطابيل الدم البيضة مش مزبوطة و خوف الله بتقلب جقولاطية يعني جلطة قلبية خاصة إنهو في شلة مش لايقة بتسب مسبات عاطلة …
3- معالي وزير الأوقاف : تباعدوا و لا تجعلوا مساجد الله سببا في انتشار الوباء …!!؟
التحليل : معاه حق قدس الله سره ليش ؟ لأنهو بيوت الله عز و جل مسكرة من فوق و الشياطين بتزروق بين المصلين و هي إللي بتلقط فيروسان كورونا …!!؟؟
و الله تعالى أعلم ، أبقى عاد ردوا على الحكومة و أصحاب المعالي …
عوض إقطع الهرج و روح إذرب كراديش و حشيش و فكني منك و من كوورنا سولافتي خلصت لحد هون و ما بدي أهرج أكثر من هيك )

اقرأ أيضاً:   هام من السفارة الأمريكية للراغبين بالسفر إلى أمريكا
اظهر المزيد

مقالات ذات صلة

اترك رداً

زر الذهاب إلى الأعلى