يزم اضحك / م . بلال الشرمان

يزم اضحك

طلبوا منا بالدوام انة نروح نتصور عشان بدهم يعملوا اشي بحتوي على صور الموظفين ، بصراحة حاولت اتهرب من الموضوع واعطيهم صورة قديمة الي ويمشوها ، لانة بصراحة انا بصيبني شعور غريب بموقفين ، الاول لما اشوف صور الي وخصوصا ايام رحلات المدرسة ، والموقف الثاني لما اوقف قدام المراية …..
المهم زميلتنا المسؤولة عن الموضوع ما قبلت ، وبالنهاية قلت يا ولد حط عقلك براسك وامشي بجنب الحيط وقول يا رب الستيرة ( حتى امثالنا بتحسسك انك حرامي ) ….

المهم شو بدنا بالطويلة ، ما ظل الا يجيبولي شرطي عشان يشحطني شحط على الاستوديو ، قلت خليني خليني اتهرب بطريقه تكتيكية دبلوماسية ، قلتلهم يا عمي انا ما بعرف الاستوديو ، يعني انا طفولتي كانت بالصويفية ، هاي بلاد بسمع انها بالاردن بس ما بعرفها ……

حكولي هاي فيه سايق رح يوصلك ، وساعتها شعرت انه فيه مؤامرة ضدي ، وفيه اطراف خارجية بتشتغل على الموضوع ، ومش بعيد انه الموساد اله ضلع بالسولافة ….

مقالات ذات صلة

المهم، رحت انا وكمان زميل ثاني كانوا متأمرين ضدة ، وواحده المانية( يا عمي هاي بطلعلها تتصور مش مثلنا )، ولما اوصلنا تأكدت انها مؤامرة ، انا بعرف انة الاستوديو بكون مخزن وفية ختيار بصور ( هيك متذكر ايام زمان ) ، اما يكون طابقين وبتضيع فية ، وحاطين اربع او خمس اجهزة كمبيوتر ، وصور مش عارف لمين ، ناس منظرهم بيختلف عنا … ومش هون المصيبة …..

مش عارف ليش المصور حكالي ابتسم ، يزم ما بعرفش ، حاولت وما زبطت ، خفت يصيبني شد عضلي او تشنج بالقولون ( اصلا الضحك بدون سبب قلة ادب ) وكمان (هيبة الزلمة بكشرتة ) ، ولما زهق وهو يحاول صورني وشعرت انه بيسب علي بداخلة ….. اما الصورة طلع فيها واحد ثاني وحاولت اقنع نفسي انها صورتي بس ما زبطت معي …..وما عاد عواد يعيدها ….. اصلا ليش عواد بده يتصور ؟

اظهر المزيد

مقالات ذات صلة

اترك رداً

زر الذهاب إلى الأعلى