أبو قنوه ……كنترول باص !!!!
ابو قنوه مساء الخير يا استاذ …..!!!!
مساء الخير يابو قنوه أهلا وسهلا….!!1
هيه والله الاستاذ اليوم مشغول ومش معبرني ……!!!!
ابو قنوه ……استاذا ….انت مش شايفني اليوم …..!!!
مش فاضيلك يابو قنوه حل عني …..!!!
ابو قنوه …….أستاذ انت مش شايف ال LOCKالجديد اللي أنا فيه يا استاذ !!!!
هيه والله ابوقنوه ولا مين انت ايه شو عامل بحالك يابو قنوه !!!!
شو السلسل والحديد اللي بايدك والوشم هذا والدق اللي على ايديك الله يخرب بيتك يابو قنوه ليش معزر بحالك هيك !!!!!!
ابو قنوه ….أصول الفتوه والبلطجه والزعرنه …..!!!
الله يكفينا شرك يابو قنوه …….على وين يا مسهل ناوي رايح تحارب اليهود !!!!
أبو قنوه …..يهود ايش يا بو راس انت …..بدي اشتغل كنترول باص !!!!
كنترول باص هيك أصول الشغل على خط الاوتستراد …..وسباق الباصات والرالي !!!
ليش هو يابو قنوه فيه حرب بين الباصات على خط الاوتستراد …..!!!
أبو قنوه انت وين عايش أه يا عم معاك سياره ما بستخدم الباصات ……!!!
الان ما فهمتني كل هاللوك الجديد من شان تصير كنترول باص ليش هيك الشروط المطلوبه !!!!
أبو قنوه …..أه يا أستاذ ولا احنا بنشتغل على مدرجات مطار مش اوتستراد والسباق والزحام على وذنه اللي مابزاحم مابيشتغل !!!
ابو قنوه …..بنحط شريط واغنية فيروز طيري يا طياره طيري …وسلامه تسلمك بينطلق رالي الباصات على الاوتستراد !!!!
طيب يا بو قنوه فيه ختايره وكبار سن ونسوان وبنات واطفال هذا مسلسل رعب بهالشكل هذا اللي انت فيه مع السرعه الجنونيه مش حرام عليك انت وغيرك هالاعمال هذي !!!!
ههههههههههههههههههه والله الاستاذ عايش بعصر جدي او ستي هذا عصر السرعه ياعمي !!!!
ابو قنوه ….أستاذ أستاذ هذا شغل او بده خفيه بعدين من شان اخوف الكنتروليه بالباصات الثانيه يا استاذ ما هي فهلوه او زعرنه وبلطجه !!!!
يابو قنوه النقل العام واجهة البلد والشعب والواحد بيعرف تقدم اي شعب من خلال وسائط النقل رحت لندن او عواصم غربيه او شفت الشوفيريه والكنتروليه كيف مرتبين ومهندمين ومتكتكين اشي مفخره !!!1
ابو قنوه أي حل عني احنا هون شعوب متخلفه واذا ما اعملت هيك ما بشتغل ولا بلم غله للباص بعدين بروح دعس او طحن يا استاذ !!!!!
ابو قنوه ….رفع القنوه وخبط على الباص بالقنوه اطلع اطلع teak off….!!!!
والله ابوقنوه كابتن طياره ما هو كنترول باص …..!!!!
اخخخخخخخخخخخخخخ يا راسي من ابو قنوه …..!!!!
الكاتب والشاعر نايف السليم
nayef_alslayem@yahoo.com
