عيد الشهداء / عبدالعزيز الزطيمة

عيد الشهداء
كل عام والأمة بخير كل عام وشهداء الأردن ينتظرون تحقيق السبب الذي استشهدوا من أجله كل عام وزوجات وأبناء الشهداء بخير كل عام والاردن ومؤسساته وشعبه وجيشه بالف خير كل عام وعائلات الشهداء تعيش حياه كريمة كل عام والقضاء على الفساد والمحسوبية والواسطة بخير ولسان حال الشهداء يقول نحن استشهدنا من أجل فلسطين؟هل رجعت؟ استشهدنا من أجل المحافظة على كرامة الامة هل حافظتم على كرامة الامة؟استشهدنا لكي يبقى الأردن دولة وعلمها عالي مرفوع يطاول عنان السماء هل حافظتم على الأردن ؟والا أصبح عبارة عن مزرعة سايبه لمن هب ودب؟استشهدنا لكي نحافظ على الهوية الوطنيه والعربيه هل ما تزال الهوية هي الهوية الاردنية والعربية أم حدث اشي؟ سمعنا انه تم العبث بالهوية وصار اشي اسمه ازدواج الجنسية، صحيح الكلام؟معقول صار ازدواج الجنسية وهذول اكم شهيد منهم او من عائلاتهم او ابنائهم للذين شرعوا قانون ازدواج الجنسية؟يعني ما ظلش زلم بالأردن ونشميات الأردن(اعجمن عن الخلفله)معقول لهون الأمور وصلت ؟طيب احنا استشهدنا لأننا نؤمن برسالة الشهادة والوطن ما بحميه غير ارجاله بعدين احنا كان أمامنا من سبقنا ابتداء بالشريف حسين بن علي قام بالثوره وتنازل عن حكمه من اجل(الحريه والكرامة ورفع الظلم والعبودية)كيف فرطتو بأهداف الثورة وبعدين الملك عبدالله شهيد الأقصى وهزاع ووصفي و فراس وموفق وقوافل الشهداء ونحن مشينا على دربهم من أجل هوية الأردن والدفاع عن فلسطين كله هذا راح ادراج الرياح؟
بعدين احنا كنا نحرس الحدود ونقاتل والمرحوم الملك الحسين كان يبني الأردن حجرحجر والحكومات كانت كلها وطنيه ونظيفة وشريفة شوه الي صاير عندكو بالوقت الحاضر شايفنها انه الكل معتبر الوطن(حارة كل من ايده إله) الكل بنهب وبسرق بإسم الوطن) شوه القصه والله مسؤولين هالأيام على زمن سيدنا المرحوم(الحسين)زعيمهم ما بسوى ليره احكي نواب آخر زمن أغلبهم أصحاب اسبقيات ؟والله هاي خربانه والله محنا عارفين على إيش بدكوا أتعيدوا ضيعتوا كل اشي استشهدنا من أجله لا كمان مش بس هيك(بدهم يعملوا مهرجان جرش على دم الشهداء)والله الدنيا مشغلبة •يالله خليها على الله ان شاء الله العيد الجاي بكون الحال أحسن من هالحال ولسان حال الشهداء يقول كل عام وانتم بخير لكل ونظيف وعفيف ووطني وشريف من الامة •
الناشط السياسي عبدالعزيز الزطيمة

اظهر المزيد

مقالات ذات صلة

اترك رداً

زر الذهاب إلى الأعلى