الاصابات
744٬377
الوفيات
9٬614
قيد العلاج
7٬093
الحالات الحرجة
540
عدد المتعافين
727٬670

رمضان الخير

رمضان الخير

نهيل الشقران

  • بشوف هاي السنة رمضان على الباب وما جبتلنا مونه، مالك؟؟
  • مالني؟؟ يعني مش عارفه مالني؟؟
  • اه مالك شو في؟؟
  • يا حجّة منا من سنتين بشتغل يوم وبقعد عشرين يوم، ويا دوب قادرين نوكل ونشرب مَيّ
  • كلّه من هالكورونا ما خلّت شغل ولا عمل، وزادتنا فقر فوق فقرنا
  • واللي زاد الطين بلّة إنه الغني زاد غِنى، واستغلّوا حاجات الفقراء أمثالنا
  • بتعرف يا حجّ؟ والله حقنا على أغنياء البلد، هم لو يطلعوا زكاة أموالهم قبل رمضان، ويوزعوها بحقّ الله ما بظل حدا جوعان
  • يا حجّة ما حدا لحدا، وبعض الأغنياء – بعضهم – اذا بدّو يزكّي بعطي زكاته لناس معيّنين بكون إله مصلحة عندهم، أو بدّو منهم شغله والله أعلم
  • حجّ، اللي مثل هضول لا فيه ولا بزكاته، وربنا الغني عنّه، واحنا لمّا بنطلب الزكاة، ما بنشحد، إحنا بنطلب حقّ الفقير بمال الغني، اللي ربنا أمر فيه
  • صدقتي يا حجّة لأنه ربنا قال في كتابه الكريم :” وَالَّذِينَ فِي أَمْوَالِهِمْ حَقٌّ مَعْلُوم ٌ * لِلسَّائِلِ وَالْمَحْرُومِ “
    هون ربنا أوجب الزكاة على المال اللي حال عليه الحول وبلغ النصاب
  • وكمان يا حجّ لازم الأخ يتفقد أخته المحتاجة أو أخوه الفقير، والأخت تتفقّد أخوها المحتاج أو أختها، هيك صلة الرّحم، مش بس من الذكور للإناث، والإناث الغنيّات لازم يتفقّدن أخوتهن وخواتهن بعد إذن أزواجهن.
  • يا ريت يا حجّة نطبّق مبدأ التكافل الاجتماعي بيننا، والله غير الكلّ يرتاح.
  • إن شاء الله يا حجّ، وكل عام وانت والجميع بألف خير.
اقرأ أيضاً:   عشر دقائق على الهاتف
اظهر المزيد

مقالات ذات صلة

اترك رداً

زر الذهاب إلى الأعلى