الاصابات
746٬480
الوفيات
9٬662
قيد العلاج
6٬633
الحالات الحرجة
470
عدد المتعافين
730٬185

حوار اهل مرشح فاز بالانتخابات

حوار اهل مرشح فاز بالانتخابات
نهيل الشقران

– ام العبد … سكري باب الدار واطفي الضو البراني لا حدا ييجينا بهالليل
– وهي على قولتك اللي بدنا ياه من الناس اخذناه والحمد لله وبعد ما نستقبل المهنئين بأكمن يوم بنروح بنسكن بعمان، عالاقل أقرب لشغلك بالمجلس.
– صدقتي، وبس تقرب الدوره الجايه بنرجع نستقبلهم بالليل وبالنهار.
– لا تنسى تسجل لولاد بارقى المدارس الخاصة، ولا تنسى تعرفني على ستات الوزرا والنواب، وكل ما انعزمت على حفله او عشا بدي اروح معك
– على راسي احلى ام العبد والله
– لا تنسى تغير رقم تلفونك كمان … عشان ما يدوشونا بالتلفونات
– الولد يخاطب امه قائلا :
– يما مش خايفه ابوي تزوغ عينه ويتزوج عليكي بس يكثرن فلوسه ؟؟
– لا يما اطمن، انا سامحله يزوغ بعينه مثل ما بده اما زواج لا والف لا
– ام العبد … والله وضحكتلنا الدنيا اخيرا ورح نصير من المجتمع الراقي والمخملي
ورح نسافر ونعيش
ويا ويلي لو اللي صفقوا ودبكوا وعملوا جوفيات وغناني ييجو يشوفوا الحياة اللي رح نعيشها
هم بنبسطوا على وظيفه بسيطه باكمن دينار راتبها … مساااكين
– ام العبد تقول : ابوكو رح يقدم خدمات لكبار رجال الاعمال ويخدمهم وبالمقابل رح يخدمونا بشغلات اكبر
– ابو العبد يقول : طبعا لعاد ليش انا صرت نائب ؟؟؟ ان شا الله بتفكري بدي اخدم الامه؟؟؟ انا بدي اخدم حالي وعيلتي ومحاسيبي … وبس تقرب الدورة الجايه… بنوظفلنا اكم واحد … وبنجيب اكم اعفاء … واذا فتحوا باب الحج بنجيب كمن فيزا لكبار العشاير وبنحطهم بالجيبه

اقرأ أيضاً:   البنات وسيارة الغاز

وسلميلي عالشعب

اظهر المزيد

مقالات ذات صلة

اترك رداً

زر الذهاب إلى الأعلى