تعيين الأردني حجاوي مديرا للمخابرات النمساوية يثير سخرية الأردنيين

سواليف

عينت #النمسا #عمر_حجاوي بريشنير ذو الأصول الأردنية مديرا للمخابرات النمساوية، حيث كان في السابق محققا في #جرائم #القتل، ورئيس #مكتب #الشرطة #الجنائية مؤخراً.
وبهذا التعيين سيكون الحجاوي مديرا لجهاز #أمن #الدولة و #الاستخبارات الجديد، وهو على الأرجح المركز البوليسي الأكثر حساسية في الجمهورية النمساوية.
المدير الجديد إبن لطبيب أردني هاجر الى النمسا وبسبب خبرته الإدارية في جهاز الأمن العام وعمله التحقيقي عين في هذا المنصب.

الخبر الذي تم تداوله بشكل واسع ، أثار #سخرية الأردنيين بسبب تجاربهم السابقة مع الحكومات الأردنية المتعاقبة وما شاب عمليات الانتخابات النيابية من تزوير باعتراف عدد من المسؤولين ، حيث تركزت التعليقات على الخبر على ” نية الحكومة النمساوية لتزوير الانتخابات “.

البعض أشاد بالخبرات الأردنية وكيف أنها دوما تثبت جدارتها خارج الوطن خاصة إذا لم يكن عندها أقارب في الأردن لتوريث #المناصب لها.

اقرأ أيضاً:   رسالة عاجلة إلى صديقي المزارع الكبير

وتاليا بعض التعليقات التي رصدها موقع سواليف :

** ياسر أبو هلالة كتب معلقا .. مهما قيل عن تجهم الأردنيين فإن عندهم خفة دم، بعد تعيين النمسا عمر حجاوي مديرا للمخابرات وهو من أصول أردنية علقوا ” يبدو عندهم نية لتزوير الانتخابات “

**الاكيد عندهم ثقة بخبره البعض في التزوير

** رايحه النمسا تتحول لعشائر… ومناسف

** لسة لما تصير انتخابات نيابيه بالنمسا رح تلاقي الاغلبية معينين عن طريق الحجاوي

** اكلوا هوا خربت البلد

**هكذا هم ابناء الوطن المهجرون الذين لا يجدون لهم مكانا


**بس يتقاعد حطوه عندنا عين


** أغلب الاردنيين مبدعين لكن…. خارج الاردن… لان الاردن مقبرة لأي طموح مهما كان صغير..

اقرأ أيضاً:   طقس العرب يحدّث توقعاته للحالة الجوية خلال الأيام القادمة


** لو ظل هون كان هسا يراجع بالمدينة ويشتغل سيكيوريتي بعد التقاعد


** ولو جلس في هاذه البلد (الاردن اولا ) الى ان تقوم القيامة لن يحصل على جزء هاذه المهمة …. عاشت الوحدة العربية وليسقط قناع الخونة والعملاء

** وإحنا الخبرات مش لاقيين شغل ببلادنا، مشان الواسطات والمحسوبيات.صار لكم خمسين سنه بتعينوا نفس الأسماء وبالوراثهاللهم هجره إلى كوبا ومنها تهريب إلى بنغلاديش

** لو ضل في الاردن كان هسا بنام على باب مول شغال امن وحمايه براتب ٢٢٠ نيره

** يالله منيح لو بعده بالاردن رقمه عشر آلاف على ديوان الخدمه.

**قديش عنا كفاءات وعقول مرتبه لو عينوهم بالمكان المناسب لكان خلوا البلد جنه
هالبلد ما الها نصيب بالاشخاص المناسبه
مبارك لعمر الحجاوي هالمنصب …بيستاهلو

اقرأ أيضاً:   سند أخضر شرطا لإتمام المعاملات الخاصة

**هاض بجيبوه ع البلد و بسلموه منصب لما يصير عمره ٩٠ سنه لأنها الحكومه تخصص ختايره عنا

** لو ضل بالاردن كان بعده يرك وظائف عالبرج


**لو انه بعدو هون كان عاطل عن العمل

**تخيل لو انو ابوه ما هاجر للنمسا وضل في الأردن، كان ابنو مسجل بديوان الخدمة ينتظر وظيفة ب 400 دينار.

** خلص ما رح يظل بالنمسا حريه رأي…. و رح يبلش بالنمسا يمشوا عالعشائرية

**مسكين خسر دوره في ديوان الخدعة المدنية. راحت عليه.

**  راح عليه الاعفاء الجمركي وجلطات القلب والدماغ والسكري وركوب الكيا سيفيا ودخان LDوالقرووووض واهم اشي الإسكان

اظهر المزيد

مقالات ذات صلة

اترك رداً

زر الذهاب إلى الأعلى