تطبيل

تطبيل
وليد عليمات

مرة تأخر الأستاذ على الحصة.. وبلشنا نعمل حفلة.. انا كنت أطبل على المقعد.. والباقيين يغنوا ويدبكوا.. وقد ما كنت مندمج بالتطبيل نسيت حالي ومغمض عيوني ومستمتع بالأداء..
صحيت على هدوء قاتل فجأة.. وكنت مستمر بالتطبيل.. وفتحت عيوني وكان الاستاذ عالباب متكتف.. وانا بطلع عليه.. شوي شوي والعرض البطيء وقف التطبيل..
عرقت فجأة وبنفس الوقت بردت.. واذاني سكروا.. والأستاذ يمشي باتجاهي وانا ابلع ريقي..
وقف عندي وحكالي انت موهوب بالتطبيل والك مستقبل موسيقي.. وصافحني.. وسحبني من ايدي وحكالي.. ديريبالك ع مستقبلك وشد حيلك عشان بيوم من الأيام رح توقف ورا فيفي عبده حامل الطبلة ولازم تجهز نفسك وتتعب على حالك..
كان الصف كله بيضحك.. وموقفي كان سيء أمام الأمم المتحدة وحلف شمال الأطلسي..
.
ومن يومها بكره التطبيل…. ولو استمريت في مسيرتي التطبيلية كان اليوم أنا مستلم منصب رفيع في البلد
.
لكن الاستاذ دمر مستقبلي 🤣🤣
#وليد_عليمات

اظهر المزيد

مقالات ذات صلة

اترك رداً

زر الذهاب إلى الأعلى