الاصابات
742٬521
الوفيات
9٬577
قيد العلاج
7٬862
الحالات الحرجة
540
عدد المتعافين
725٬082

إيمان العكور تسأل تفسير هذا الحلم الوطني

سواليف

كتبت الناشطة الاجتماعية والاعلامية إيمان العكور عبر صفحتها الشخصية منشورا تحدثت به عن #حلم #وطني رأته وطلبت ممن يعلم بنفسير #الأحلام أن يفسره لها:

وتاليا نص ما كتبته العكور :

طول الليل امبارح وانا بحلم وبحلم..وصحيت ومحتاجة حدا يفسرلي هالحلم…
قال كنت ماشية بطريق وعر وكله شوك ومطبات وبطلع من حفرة بوقع بأكبر منها..وكل ما بدي اقوم في شي على راسي بخبطني وبقلي ممنوع تقوم..خليك بالأرض..
طبعا ضليت احاول واقاوم..وكل ما افكر انه خلص #الكابوس راح ينتهي..كانت تيجي مجموعة #كائنات غ#ريبة..اقنعة على وجوههم..واسنان شريرة وأصوات مزعجة..بس شو كانوا لابسين بدلات مرتبة وعاملين حالهم بدهم يساعدوني..
لكن بالحقيقة كانوا يرجعوني بالحفرة كل ما قربت اطلع..والادهى كانوا يتكرموا على اعمالهم الشريرة..والكراسي تلف عليهم.
بعدين بعد فترة وبعد ما كنت خلص راح اموت تعب وعطش وجوع ..
شفت غبار من بعيد..
و92 طير جاي من فوق…
وأصوات وكركبة وأوراق ودفاتر..وزوامير #سيارات وأغاني وطنية وحوارات صوتها طالع..وهتافات و #لجان وأجندات ونقاشات..
بصراحة..قلت اجا #الفرج..رحمتك يا رب
اخيرا..ربنا بعثلي اللي راح ينقذني
اكذب عليكم..فرحت وانا اصلا مدفونة بالأرض ماكلة هوا..
ولما قربوا علي..رفعت راسي استنجد فيهم لاني هبلة فكرت انهم جايين ينقذوني..
صعقت لما لقيتهم اغلبهم نفس #الاشرار اللي دعسوني اول مرة.. وعاشر مرة..
لكن هالمرة لابسين بدل جديدة ومزبطين الربطات ومركبين أسنان فينير مرتبة ومغيرين تسريحة #الصلعان..
استغربت وجود بعض الوجوه الطيبة معهم اللي متاكدة انهم مش أشرار..وقلت علٌ وعسى هالمرة يكون الخلاص..؟بربكم
لكن الاغلبية ضحكوا علي..وقالولي احنا اللي بنضل فوق
وانت مكانك الحفرة..
ودعسوا علي.. ودعسوا
وهمه بغنوا هذا الوطن وطنا ..؟
وهرولوا علشان يستلموا مكافئاتهم..ومناصبهم الجديدة..
صحيت وانا مرعوبة..
بترجاكم..شو يعني تفسير هالحلم..
لانه مش ناقصنا مصايب جديدة
ولانه احلامي احيانا بتخوف..؟

اقرأ أيضاً:   هام جدا إلى طلبة التوجيهي

#حلم_وطني

#ايمان_عكور

اظهر المزيد

مقالات ذات صلة

اترك رداً

زر الذهاب إلى الأعلى