سوق اربد المركزي
من اول السنة ….. ما بتروح على دائرة حكومية في معاملة او مراجعة موظف الا يقلك والله مشغولين
وين محاسب الاراضي ؟ والله في لجنة عشان الانتخابات
وين سايق المدحلة في الأشغال ؟ مش هون ! مشغول في لجنة عشان الانتخابات
وين مهندس التنظيم في البلدية ؟ مش هون ! مشغول في لجنة عشان الانتخابات
حتى عامل النظافة بطل يبين في الحارة ولما شفته بالسوق قلي : والله يا بيه مشغول ب ” اللقان ” !
وين أمك يا ولد ؟ والله طلعت على عمان للمشاركة في لجان الهيئة المستقلة للانتخابات …
جدتي … ايوه جدتي ام غازي … رحت أزورها بسأل الخادمة الي عندها وين جدتي ؟
قالت : في عندها دورة تدريبية عشان الانتخابات اللامركزية !
من وزير الى امين عام الى مدير الى رئيس قسم الى قرد كله مشغول بلجان الانتخابات من شهر واحد ومن الصبح لنهاية الدوام !!!!! كله العذر جاهز انه في اللجان …
معاملات المواطنين معطلة الا معاملة صاحب ارض السوق المركزي ووزير البلديات في بيع ارض السوق المركزي في النعيمة ….
تم إيجاد الموظفين وتوقيع المعاملة من قبل اللجنة المؤقتة لإدارة بلدية اربد الكبرى وكان الله بالسر عليم !؟
صفقة زي هيك بهذا الحجم المالي والفني ….. هل بحاجة الى هذه السرعة للبت فيها وهل تم طرح العطاء في الجريدة الرسمية !!!!
ارجوا الرد من وزارة البلديات !!!
الكتاب رُفع في ٧/١٠ تم الموافقة عليه في ٧/٢٦
أسرع معاملة في الكون !!!!!
