#دبابيس … / أحمد المثاني

#دبابيس …
** الفيس بوك مثل حبل الغسيل . البعض ينشر عليه ملابس جميلة و الوانا حلوة .. ناصعة .
و البعض الآخر ينشر غسيلا ، تنقصه النظافة ! و بعضهم ينشر غسيلا تفوح منه رائحة مزعجة ..
فطيبوا و عطروا ما تنشرون ..

** بعضهم معجب بنفسه إلى درجة النرجسية .. يطالعك كل صباح بصورة جديدة . كأنما أعاد اكتشاف نفسه و وجد وسامته التي تستحق أن يشغل عباد الله بها ..!! و هات ” لايكات ” من الاصحاب ، بعضها رفع عتب .. و بعضها دفع للشر .. و اي كمان : منور .. ما شاء الله – و معلش – يبقى أمر مني !! صورة مغبشة او لقطة و هو زعلان ، و متهاوش مع حاله . و خذ مجاملات .. منوررررر
ارحموا اصابعنا و انصح بعمل ختم ” منورررر ” ستامبه ، تروح سالخها ، حتى لصور القطط في الفيس بوك .. !!

** الحالة و ما يشعر به فلان و علان .. كان الفيس بوك حضن أم للدلال .. ! فلان يشعر بالتعب ،، طيب يعطيه العافية . مهو كلنا تعبانين ، صح بدنك . فلان يشعر بالملل او فلانة تشعر بالوحدة .. شو رايكم نيجي ناخذكم مشوار .. ع حدائق بلدية المفرق ،، او ع مطاعم دلع كرشك ..
معلش ، الحالة النفسية طبيعية ، اذكر / اذكري الله ، و حبة بندول مع كاسة شاي بنعنع ، بتصير عال العال ..
** اللي متصور سيلفي .. الله يسامحك ، طيب اعطيها بسمة .. و ركز . انت مش انت وأنت زعلان .. و بعدين ، يا معلم الصورة طالعة ما بتشبهك !! نصها خارج كادر الكاميرا .. و انت مصور الحيط وراك ..
انصح باعتماد صورة حشمة .. مش مستعارة او مسروقة زي ما بعملوا البنات .. !! الغريب وجدت فتاتين مستخدمات نفس الصورة .. يعني توام !! مش معقول !! الصورة لفنانة

** جماعة الاكل و الوجبات ع الفيس بوك ، ارحمونا لا تزل نفسنا .. منسف ابو لحمة بلدية .. او حفلة مشاوي .. طيب اجيب رغيف و آجيكم ..
و اللي عاملة قالب كيك للمرة الخامسة حتى زبط معها و ايش مصورة معه سلفي !! شو رايكم افتح علبة سردين بالزيت و الفلفل و راس بصل . و اكتب : باﻻمس عزومة في مطعم دارنا بالاس ..
يا اخوان فيه عزايم الستر مطلوب فيها ، و الاكل نشاط انساني .. اعمله و انساني .. !!!

مقالات ذات صلة

اسعد الله صباحكم أحبتي نويت ” التزهزه ” لا تزعلوا ، الكلام محبة ‘!! ولا تردوا علي !!

– أحمد المثاني –

اظهر المزيد

مقالات ذات صلة

اترك رداً

زر الذهاب إلى الأعلى