|
بول و"البريعص"
11/7/2010
 الاثنين 12-7-2010
جننتني سولافة الأخطبوط "بول":
ولمن لا يعرف "بول" : فهو اخطبوط في حديقة مائية بألمانيا ، استخدمه الألمان في التوقع لنتائج مبارياتهم في مونديال 2010..فكانوا يضعون له الطعام في صندوقين زجاجيين ، الصندوق الأول يحمل علم المانيا، والصندوق الثاني يحمل علم الدولة المنافسة..فإذا اختار الطعام من صندوق ألمانيا تنبؤا لها بالفوز ، واذا تناول طعامه من صندوق الدولة المنافسة تنبؤا بخسارة المانيا..ومن باب الصدفة كان اختياره في المباريات الستّ الأخيرة صحيحة..
جننتني فكرة "الاخطبوط" تلك ..حتى بدأت افكر باستغلالها لأشياء مشابهة!! للتوضيح أكثر ..لا يفصلنا عن الانتخابات النيابية سوى أقل من 4 شهور..اذن بإمكان بعض مرشحينا استخدام الاخطبوط بالتنبؤ بنجاحهم أو خسارتهم قبل الاغراق في الدعاية الانتخابية وفتح الدواوين وتعليق اللافتات وطبخ المناسف وغيرها..لكن من اين لنا أن نأتي بإخطبوط ؟..فبحرنا على قدّنا ..ولو سبحناه طولاً وعرضاَ بالكاد نجد زوجين من السمك وليس اخطبوطا اعزبا كالأخطبوط "بول" اذن فلنستبدل الاخطبوط بكائن حي آخر متوفر في بيئتنا بكثرة ..وليكن الــ"بريعص/ ابو بريص"..
كل ما في الأمر ، ان يوضع "صحن كنافة" باب كل مقر انتخابي ..ومن ثم افلات "ابو بريص- الله يخليله "ابنه بريص" - نحو صحون المتنافسين..والصحن الذي يقترب منه "ابريعصنا" المحترم يتذوق كنافته ويشرب قهوته ..تكون فرصته في النجاح أكبر..طبعاً ننصح ان تعمم التجربة على جميع الدوائر الانتخابية دون استثناء ، عل ان يتم تعديل القانون الانتخابي ليصبح : "صوت واحد لمرشح واحد= الفائز بأعلى ألأصوات + ابو بريص"
لكن يبقى هناك تساؤل اداري حتى نستطيع المضي بالفكرة : هل يشترط ان يثبت "البريعص" الدائرة الانتخابية على هويته الشخصية ؟؟
احمد حسن الزعبي
ahmedalzoubi@hotmail.com
|
1- البريعصي فكرتي
بواسطة
حمد عبد النبي الحموري
12/7/2010 12:41:25 AM
يا استاذ أحمد وين حقوق الطبع ..مش ابمقال انبارح اقترحت لك البريعصي ..عكل حال مسامح واذا ما في بريعصيات بتلاقي حراثين عالسناسل
|
2- اني خايفة
بواسطة
العنقاء
12/7/2010 12:51:29 AM
مش عارفة
سولافة هالبريعصي مش زابطة معي
اني خايفة انه يكون مدرب من قبل الحكومة
حتى يأكل من كنافة المرشح الذي تريد ان ينجح
وبالتالي اذا كان بول الاخطبوط
متروك له حرية الاختيار دون اي ضغود سياسية او عشائرية او حزبية
او اقليمية
فان ابو بريعصنا لا يمكن ان ينفذ من سطوة هذه التاثيرات
ناهيك عن تأثير الحكومة على صحون الكنافة
بحيث لا يكون هناك عدالة في نوعية الكنافة التي توضع امام ابو بريعص
مش زي بول اللي كان الصندوقين لهما نفس المواصفات
اما بالنسبة لتثبيت الدائرة
اظن بالاول لازم يثبت انه بريعصي اردني
|
3- ونغير الحظ
بواسطة
ابو الحسبان
12/7/2010 12:58:15 AM
مساء الخير والطيبة والاحساس
مبروك فوز اسبانيا ابو عبدالله والحلوان عندي ابشرووووووووو
وبعدين كل التهاني بانو حظك تغير
عشان هيك دير بالك دير بالك
تشجع الحكومة
وبعدين بتقول ابو الحسبان ما قالي
|
4- خليها ديك أو جاجة أحسن
بواسطة
أبو إيثار
12/7/2010 1:07:04 AM
والله يا سيدي وزبطت معه كمان مرة هالـ "بول" وبالنسبة لموضوع أبو بريص بيظل الخوف أنه يبيع ذمته، أو تقدر الحكومة تزبطه
على كل حال فكرة كويسة ممكن توفر على بعض المرشحين
|
5- 10000000ابوبريعص
بواسطة
ابوليث الزعبي
12/7/2010 1:21:25 AM
والله يااحمد لو تحط10000000ابوبريعصعنا عن دون الدنينا مابعرف اشي وينسا المعه من كثر النفاق والدجل وخلي ابوبريعص على المعه
|
6- أعذرني لأنك كبير
بواسطة
متابع ومراقب وخجلان اصرح بإسمي
12/7/2010 1:39:07 AM
الأستاذ والأخ الكبير أحمد الزعبي،
بدون مقدمات وبعد التحيه والإكبار..
مقالاتك موسميه فأراك جارحا" تارات وأعيد القراءه عشرات المرات ومنها ما زلت أقرأه منذ عامين دون كلل، فيأتي أيام أكاد أقسم فيه أنك لست كاتب المقال،بل إنك تدرك أن المقال ليس إلا للكتابه، ألوم نفسي إن سكت واستغبي نفسي الآن وأنا أكتب لك، صدقني أنك لاتعرفني إطلاقا" وأنا من اكثر قراءك نهما" وحاجه، اعذرني يا أبا عبدالله فإنه يحق لي أن أقومك وأنصحك وأنت أهل لذلك، ولا أنتظر منك الا الأفضل دائما" أيها الأردني.
|
7- حرثون حراثين سحليه سحالي
بواسطة
reem albawadi
12/7/2010 1:43:38 AM
الله اصبح الوطن واهله بخير كذب البريعصيون ولو صدقو يا جماعه الخير الاخطبوط بالمانيا بشتغل بحريه ومرتاح ما عليه اية ضغوطات اجتماعيه ولاسياسيه ولا ماليه وهي الاهم بس بريصاتنا من الطفر هل تقوم بنفس كفاءة بول والله ماضني انا متاكد انها لا تتمتع بحريه بول لاخيتار راح اكون حسب اهواءالجماعه الضاغطه واحنا جماعه نعرف من اين تاكل الكتف وبنعرف البريعصيات شو بتحب ونعمل ليها خدعه وبنخليها توكل من صحن الي بدنا اياه بدون ما يشعر بينا حدا كوننا عندنا خبره واسعه بالخداع والمراوغه. وكل صحن كنافه وبريعصكوا بخير
|
8- بريعصي
بواسطة
طلال الخطاطبه
12/7/2010 1:44:06 AM
طيب بجوز البريعصي ما بجب الكنافة, شو الحل هون؟ هاي ما فكرت فيها يا ابو عبد الله.
بالمنتاسبة هناك ناس جاهزين يقولوا الحكومة زورت الانتخابات والربيعيضي مدسوس من جهة الحكومة.
هيك صار لازمنا بريعصي مراقب من احدى المنظمات المسؤولة عن هيك شغلات. بحي توفد هذه المنظمات بريعصيات محايده للمراقبة.
|
9- Lucky Man
بواسطة
Abu Sohaib Sawalha USA
12/7/2010 2:41:57 AM
يسعد مساك .غني نسي جزدان تحت شجره خروب، وطلب من السهيره،الي بجيبه اله خمسيه،واحد ما عنده العشاء قال انا بروح بس بالف ليره، رجع على مرته هبت فيه ماعندناخبز الخ وافق على خمسميه،لكن الرجال قله ميه ،واخرتها رضي بعشرين - ولما وصل لقى مارد واطي عالجزدان قله مين انت قله انا حظ فلان، قله وين حظي ، قله بهل مغاره لقاه بجر على ربابه ،له يا زلمه ;قله لو خيط الربابه ما انقطع ما بتوخذ العشرين.وفهمك والاخوه القراء كفايه.
|
10- فكرة رائعة
بواسطة
محمد الخطاطبة
12/7/2010 2:48:38 AM
مساء الخير للجميع
والله يا استاذ احمد انك بهالفكرة بتكسب اجر حرام الناس تدفع الوف وملايين وبالاخر يخسروا هيك الشغلة عالمضمون بتكون
ههههههههه الله يكبر عقلهم
كذب النجمون ولو صدقوا او صدفوا
|
11- ابداع في ابداع
بواسطة
مغترب في اخر الدينا
12/7/2010 3:33:12 AM
بس المشكله حتى في ابو بريص "ممكن حدا فوق حكى معه وضغط عليه" كل اشي بصير.
استاذ احمدج بدنا مقال على الاستفتاء الي بصير و بعرضوا نتائجه من و ين ما بعرف و لا مره حدا سالني عن اشي او عن راي. نفسي اشارك في استفتاء عن اي اشي في الاردن ولو عن البطيخ و مدى فوائده. بدي احكي راي
|
12- صبحك بالخير
بواسطة
هاني البداينه
12/7/2010 5:16:05 AM
وين الشرط ابو الزعبي ؟
مسامح على كل حال،
|
13- AMAZING
بواسطة
SHOUG AL KHAZALEH
12/7/2010 7:29:56 AM
شكرا جزيلا على هذا المقال المتميز
بصراحة ان الاجواء الانتخاباتية الساخنة في هذه الايام لا ينفع معها لا بول و لا ابو بريص الله يخليله ابه بريص ...
على كل حال نحن كمجتمع اردني و في ظل حل المجلس النيابي السابق بحاجة ماسة الى فكر سياسي يشعر بالمسؤولية الوطنية و يتحمل اعباء الديمقراطية ...
اتمنى ان تكون انتخابات ناجحة في كل التفاصيل ...
و عينك ما تشوف الا النور
|
14- بوشكاش
بواسطة
ابو رامي
12/7/2010 7:38:11 AM
لولا اني لا اعتقد بتناسخ الارواح لقلت ان الاخطبوط تقمصته روح بوشكاش ولكن الاختبار كان سهلا اذ كان كان يجب اخفاء علم الدوله المتباريه داخل الصندوق ولخطبة الصناديق امام عيونه واذرعه وبعدها يختار وربما يعّد بينها للعشره فاذا زبطت معه ياستمرار عندها نبصم له بالعشره ونص واقترح استبدال السيد ابو بريص بعل الست ام بريص بدجاجه حيه وليست ممعوطه او مجمده واستعمال صحون القمح فالدحاجه التي تأخذ بنقر الحب من صحن المرشح المعنى فهو الفائز بشرط ان لا يقوم المرشحين بالغش كوضع الكورنفلكس الملون في الصحن
|
15- يسعد صباحكم جميعا"
بواسطة
الماسة وحساسة
12/7/2010 7:51:28 AM
برسل سلامي والتحايا..
فيها العطر والمسك فوااح..
صوب الحبايب وأصدقايا..
اللي لهم النفس ترتااح..
وأزف شكري والثنايا..
عد الحمام ماغرد وناح..
صباح الخير للجميع.مبارك الفوز.على الرغم اني ما بحب كرة القدم.
وسيرة الانتخابات.ولا حتى السحالي.
|
16- ابدعت
بواسطة
رهام
12/7/2010 8:24:38 AM
يسعد صباحك يا سيد أحمد.. أبدعت بمقال اليوم... رائـــــــــع
|
17- نقول نعيما ؟؟؟
بواسطة
جحا
12/7/2010 8:47:10 AM
صباح الخير للجميع
شو يا معزبنا نقول نعيماً؟؟؟
بالله يا ابو عبدالله
ابو بريص قبل لا يجيه ابنه بريص شو كان اسمه؟؟ ;)
|
18- يا حالق الحاجبيني
بواسطة
memo
12/7/2010 9:33:40 AM
سلام ابو حميد مبروك اسبانيا اخيرا زبطت معك بس قررت تشجع الحكومة يا عمي عنجد الحكومة ايدها طايله اكثر من بول
|
19- رائع
بواسطة
ابو الخلد
12/7/2010 11:14:59 AM
اكثر من رائع
|
20- ابن الحرام عند ذكره ببان
بواسطة
فاضي اشغال
12/7/2010 11:22:48 AM
والله حلمت يا استاذا احمد امبارح من كثر المصايب اللي بسمعها انه الحكومه صارت تشلح الناس مصاريها تشليح بالطريق والناي بس تشوف موظف حكومه من بعيد بتحاول تغير الطريق حتى ما يمسكوه ويفتشو بجيابه
بس صحيت اتصبحت بجارنا النكد اتعوذت بالله من جارنا الرجيم وانزلت على المحل
وبالنسبه للحرذون او ابو بريص اللي بده ينجم للمرشحين الجدد اذا ما لقيتو حراذين بامكانك تستخدم نائب سابق احسنلك
نفسي اعرف شو صاير بالبلد ما عاد حدا شبع من اولاد الحرام
|
21-
بواسطة
12/7/2010 11:43:40 AM
اول مره بعلق بحريه وانا مرتاح يا استاذ حسن
شكرا الك على البرنامج الحلو بس يا ريت تستضيفولكو نائب هيك يعني يكون حلو ومسمسم بلكي زبطناه واخذنا تلفونه بس شرط يكون معاه امنيه لانه انا معي خط 3*3
|
22- ا
بواسطة
12/7/2010 11:44:42 AM
ممكن تجاوبي على سؤالي اذا كان عندي مقال وحاب انشره على صفحتك شو لازم اعمل
***
سواليف: يرجى اخذ اسم في ديون جاي وكلمة سر وثم ارساله
|
23- عمان
بواسطة
نائب حالك
12/7/2010 11:47:09 AM
بعدما كان نائب وطن اصبح نائب عشيره و الان نائب حاره و غدا نائب غرفة الجلوس الله يخليهم الحكومه كل مره بقربولنا النائب ..... بعد عشر سنين بدي انزل نائب عن غرفة الضيوف الكرسي الوسطاني قبال الباب اليميني المتطرف
|
24- شو صار؟؟
بواسطة
الكركية
12/7/2010 12:00:37 PM
كيفك عمي حبيت اتطمن اذا حلقت حاجبك اليمين، و بتتذكروا لما حكيتلكوا انه المانيا رح تفوز 1-0 أو2-0؟؟ نفسي أشوفك وانت حالق حاجبك
|
25- آسف
بواسطة
الكركية
12/7/2010 12:01:21 PM
انا اسفة كان قصدي اسبانيا مش المانيا لكن المقالة خربطتني
|
26- تعال جااي
بواسطة
لوليتا
12/7/2010 2:45:22 PM
خليك من أبو بريص .. حلقت حاجبك اليمين ولا لسى ؟؟
|
27- 7okomtna
بواسطة
bataineh
12/7/2010 3:02:28 PM
حكومتنا احسن اخطبوط بتارخ البشريه بتتوقع مين بدو يكون بالمجلس وبكون زي كل دوره ولا لا عمي
|
28- ......................
بواسطة
الاء
25/7/2010 4:45:58 PM
والله هم بضحك,,,هم ببكي!!!!
|
|
|
