|
المغترب وسفارته
30/6/2010
 الخميس 1-7-2010
كنت كلما مررت من أمام سفارتنا هناك في الغربة،أؤدي التحية للعلم وأقول في سرّي لذلك المبنى الصغير الواقع على شارعين "سلام عليك يا قبلة المغترب"،كما كنت على طريقة العاشق المجنون .. اتعمد المرور من امامها يومياً بدون أي داعٍ فقط لأرى العلم وأتذكر "شقفة هالوطن" ..
لم تدم هذه الرومانسية طويلاً، فعندما ذهبت لتسجيل مولودي الأول قبل 6 سنوات، دخلت المبنى مرتبكاً ملهوفا ،وقفت بالطابور وأنا انظر الى ملامح ذلك الموظف الأردني الذي يذكرني "بأعمامي" سمرة وهيبة وعقال ميّال..اقتربت منه اكثر وابتسامتي البلدية لا تفارق وجهي ،اعطيته أوراقي ، طلب مني الرسوم..مددت عليه ورقة نقدية..رمى أوراقي عليّ وقال: "فيش فراطة"!! يا سلام حتى هناك في الغربة يحتفظون بأصالة العبارة "فيش فراطة"..قلت له: لكن مكان السفارة بعيد عن المحلات التجارية من اين احضر لك فراطة...أهملني عندما قال "اللي بعده"...بدأت بسؤال زملاء الغربة الحاضرين في السفارة ..حدا معه فراطة يا اخوان..مشان الله يا اخون..يخليلكوا اولادكو..يبعد عنكو كل مكروه ..وبعد ثواني ناداني نفس الموظف..اقتربت منه..قال: بس لأنك محترم بدي افرطلك.(فكانت الصدمة الثانية:عندما تبين ان لديه فراطة ولكن فعل ذلك من باب النكد).
تخيلوا موظفا حمل معه ارث الوظيفة 3500 كيلو متر" ليتعنطز" في الغربة على مواطنيه بعبارات: "فش فراطة".."ليش بتطلع" "ارجع بكرة".."مش جاي عبالي" "الكمبيوتر معطّل"..
تذكرت هذه الحادثة بعد ان وصلتني ثلاث رسائل من ثلاثة مغتربين في اماكن مختلفة من العالم ، يشكون فيها من تعامل موظفي سفاراتنا هناك..العنوان في الرسائل الثلاث كان مختلفاً لكن المحتوى واحد: جرس السفارة يرن ولا احد يجيب..السماعة مرفوعة..عبارة "هاظ اللي عندنا".."الموظف جِلف".."اختم وارجع"..لا احد يسأل عنا.. نعامل "كمتّهمين".."نفس العقد التي نعاني منها في البلد"...الخ.
المقال لا يحتمل مبالغة أو تجنيا ، ولزيادة بالتأكيد اتمنى من وزارة الخارجية ان تجري استفتاءات بين المغتربين في مواقعهم او عند وصولهم على ارض المطار لتتعرف على منسوب رضاهم عن سفاراتهم اينما كان عنوانها.
احمد حسن الزعبي
ahmedalzoubi@hotmail.com
|
1- الحمد لله
بواسطة
عمر
30/6/2010 11:11:38 PM
تذكير بالوطن ... حتى ولو بالكشرة ...
|
2- انا الاولى
بواسطة
الماسة وحساسة
30/6/2010 11:11:39 PM
يا الله ما اروعك
|
3- ما ابشع الظلم
بواسطة
lonely
30/6/2010 11:12:02 PM
لو كنت مكان الموظف ولجأ لك احدهم ماذا تفعل؟
|
4- نكد
بواسطة
ابو الحسبان
30/6/2010 11:22:25 PM
احلى شي فينا النكد والملامح الرجولية
كشرتنا غير
هون بالسعودية يحكوي الاردني موضف رائع
اخلاص
امانة
تفاني
ذكاء
بس اذا دقر دقر
وان اذا بدو يروح كل فلوس العالم ما بتهموووووو
يعني
بلادو تستانى
اهههههههههههههههههههههههههههههههههههههههههه
يالله ما اروع الاردن والاردنين
بتمنى كل يوم اتصبح بكشرة اردني واتمسى فيها
يا اخي انتو بنعمى بالاردن ما بعرفها الا المغترب
واعطيني نكد ودقلي ابو الزعبي
|
5- اللخ لا يحيجنا ليهم
بواسطة
رمثاوي
30/6/2010 11:32:28 PM
نشكرك أستاذ أحمد للفتتك الطيبة حول هذا الموضوع ونتمنى من أعماقنا أن لا نحتاج اليهم .. وبصدق الكثير من المغتربين لدينا يعانون بشكل كبير من التعامل مع السفارة في مكان غربتنا الحالية واللي عنده معامله بروح على "فلان" لأن قريبه يعمل في السفارة وبمشيليه معاملته بنفس اليوم !! هذا لأن سفارتنا ما بتمشي المعاملة بنفس اليوم فبضطر واحدنا يطلب واسطة فلان وعلان ويعطيه قيمه مشان يخلص من جلافة موظفي السفارة .
|
6- من زميل غربة
بواسطة
الجلق
30/6/2010 11:33:43 PM
كلامك صحيح 100 بالـ 100
نفس الكشرة ونفس طريقة التعامل
وصفك أكثر من واقعي يا قرابة
|
7- سباق الزمن
بواسطة
الماسة وحساسة
30/6/2010 11:39:49 PM
يا فرحة ما تمت اخذها الاخ عمر .وحجز المقعد الاول
ممكن حد يفهمني معنى هذة الجملة من المقال وبكون ممنونة
عندما ذهبت لتسجيل مولودي الأول قبل 6 سنوات،
يعني الاستاذ احمد الزعبي كان مغترب
|
8- طبخنتنا منسف
بواسطة
ابو الحسبان
30/6/2010 11:46:32 PM
طبخنتنا منسف وبحرنا ميت ومطربنا متعب
واقوى غانينا ويلك يالي تعدينا يا ويلك ويل
كيف بدك نضحك
بس للامانة ما برتاح نفسيا غير لما اشوف اول شرطي اردني
يا احي هيبة
مره مهرب كروز دخان زيادة لما اطلع علي وقال معك شي عالسريع اعترفت
قال طيب خلص روووووووووووووووووح
مسامح
شيوخ والله شيوخ
الماسة وحساسة لستي الاولى لالالالالالالاالا
|
9- sory
بواسطة
qare2t _ al zo2by
30/6/2010 11:53:21 PM
hello dear , in last i sent wrong e maill , right e mail is ( klmah5 @yahoo . Com ,, & thank u so much
|
10- هاظ اللي اجاك
بواسطة
صهيب الخزعلي الامارات
30/6/2010 11:54:00 PM
مقال حلو يا زعبي و انا مع تعليق ابو الحسبان "احلى شي فينا النكد والملامح الرجولية
كشرتنا غير " بس بصراحة هون بالامارات معاملة تجديد جواز سفري اخذت اقل اشي 15 يوم و اني مقدمها مستعجلة. ورنيت على تلفون السفارة اكثر من 50 مرة ب 15 يوم و لاحتى رد الي طلعلي. بس بالنهايه" بتمنى كل يوم اتصبح بكشرة اردني واتمسى فيها"
|
11- كشرة دائمة
بواسطة
دبل آر
30/6/2010 11:55:17 PM
كان الله في عون كل مغترب عن أهله ووطنه.. وأمنياتنا لهم بالعودة الميمونة بعد تحقيق مآربهم من السفر والغربة.. مواصفات الموظف : الكشرة ومشتقاتها يحملها الموظف في حقائبه وتسافر معه الى أي مكان يريد الذهاب له ولا يستطيع ممارسة وظيفته بدونها .
|
12- سفارة لندن
بواسطة
محمد أحمد
1/7/2010 12:00:20 AM
أخي العزيز
مررت قبل سنة تقريبا بتعامل " مأساوي " في السفارة الأردنية في لندن، حيث اخذ تجديد الجواز أكثر من شهرين على الرغم من أنني دفعت المبلغ المطلوب لجعل المعاملة مستعجلة " 30 جنيه استرليني "
طبعا انا لم أدخل في نقاش وجدال مع الموظفين، ولكن صدقني أنني تقريبا كلم ذهبت للقنصلية شهدت " طوشة " بين الموظفين والمراجعين.
المشكلة أن هذا الموظف بالتأكيد قام بعمل معاملات في الدوائر البريطانية وراى النظام والاحترام الذي يتعامل فيه الموظفون مع المراجعين بغض النظر عن جنسياتهم وألوانهم ودينهم!
|
13- المغتربون
بواسطة
رائدالذيابات
1/7/2010 12:00:28 AM
ربي العظيم ترجع كل مغترب بسلامة لاهله
|
14- حكلي بحكلك
بواسطة
ابو رامي
1/7/2010 12:00:32 AM
عزيزي ان العنطزه هذه صفه لازمه لموظف الحكومه سواء اكان هنا او على سطح القمر اما الجرس الذي يرن بدون مجيب فهذه ظاهره في كل المؤسسات سواء اكانت خاصه ام عامه وان كانت ظاهره اكثر في العامه وفي فترة عملي في الخارج
كانوا هم بحاجه لي اكثر بحكم العمل وحكلي بحكلك
|
15- الملكية الاردنيه في بروكسل
بواسطة
زين
1/7/2010 12:10:20 AM
والملكية الاردنيه كمان. صارلنا شهرين بنحكي مع مكتب الملكيه في بروكسل ما حدة بيرد.
|
16- حرام
بواسطة
زيد
1/7/2010 12:14:36 AM
كلامك صحيح والله انا اللان بالسعودية ولاحياة لمن تنادي مع اخواننا في السفارة الاردنية في الرياض. وكأنك لاصلة لك بهم, وايضا كنت ببريطانيا لفترة تتجاوز ال 9 اشهر ولاحياة لمن تنادي. لماذا .؟ لان الموظفين يتم انتقائهم بناء على الواسطة والمحسوبية لا الكفاءة وحب الوطن, حرام عليكم ياحكومتانا الرشيدة حرام.
|
17- صباح الخير للمغتربين
بواسطة
الماسة وحساسة
1/7/2010 12:18:04 AM
صباحكم نرجس وعنبر
صباحكم احلى من السكر
صباحكم العطر والكادي
صباحكم مسك ومبخر
يسعد صباح المقيمين
|
18- بطلعلك
بواسطة
مطلع
1/7/2010 12:55:56 AM
ظلمتنا يا " خال" اذ عممت . سامحك الله ، ولكنني احبك واحب كتاباتك يا كبير
|
19- لو الك واسطة ما تغربت ولا شفت موظف السفارة
بواسطة
راجي صلاح
1/7/2010 12:56:29 AM
يا اخوان مش قلنا بلاش منطق مع الحكومة
وانا بقول يا ابو الزعب
الحمد لله انك تغربت واعرفت قيمة الاردني عند حكومته بره وجوه وعانيت وصار عندك ابداع كتابي لانوا اشي بحكي الحجر.
الله يشفي صدرك كثل ما شفيت صدورنا
|
20- Australia
بواسطة
Dave
1/7/2010 2:06:56 AM
HI there
All what he said is true, i live in Australia since 2003, and I never met any Jordanian in my country embassy all of them Egyptian and i don’t know from where, add to that when any one try to call them it takes two days some to pick up the phone and most of the time they don’t answer, i had new baby and i send all his document to Jordan because it’s easy for me to do that.
Please Mr. Ahmad if you can contact any one of our government to ask the embassy employee and principles to lo
|
21- الله يرجّع مغتربينّا بالسلامة
بواسطة
أبو إيثار
1/7/2010 2:21:14 AM
الموظف في كل دول العالم يعمل ويعي أنه موجود لراحة المواطن، الا الموظف الأردني فالمواطن موجود للسهر على راحته -الا من رحم ربّي-
الله يرجّع مغتربينّا بالسلامة
|
22- اولا
بواسطة
ابو العباس
1/7/2010 2:40:55 AM
أكتفي بالتحدث عن سفارتنا بالرياض وأقول للإخوة المغتربين بالسعودية أن ما تلمسوه حاليا من بطئ أو عدم كفاية بتجاوب القنصلية أو السفارة مع معاملاتكم حاليا لا يقارن مع حقبة زمنية مضت كان المغترب الأردني يعاني منها معاناة لا توصف . أعد نفسي من أقدم المغتربين بالرياض واحتياجاتي لزيارة السفارة نادرة ولكن على الأقل الإجراءات الحالية أفضل من سنوات سابقة فعلى سبيل المثال :
حسب علمي الشخصي تقوم السفارة بإرسال موظفيها للمنطقة الشرقية في السعودية في بداية الصيف ومن مكان اقامتهم بالفندق يستقبلون معاملات
|
23- ثانيا
بواسطة
ابو العباس
1/7/2010 2:50:35 AM
الأردنيين المقيمين بالمنطقة الشرقية - الدمام ، الخبر وما يجاورها .
ثانيا : حتى ولو بقي تجاهل من الموظفين أو بطئ في الإجراء فعلي الأقل وحسب علمي الشخصي (زياراتي للسفارة نادرة) لم يعد وجود لبهادل المراجعين واهانتهم ورفع صوت الموظفين في وجوههم كما كان يحصل في السابق .
ثالثا : بفضل الله صار في مقاعد مريحة وتنظيم وكل مراجع يحصل على رقم تسلسلي عند دخوله قاعة المراجعات .
للحديث بقية .
|
24- رسوم من غير و صل
بواسطة
مغترب محتار
1/7/2010 3:18:43 AM
والله يا استاذ احمد اني مره في ماليزيا دفعت رسوم عشان تصديق الشهادات وما اخذت وصل في المبلغ. وطلب مني احط طوابع على الشهادات و هاي الطوابع من الاردن و اخذ 4 اضعاف ثمنها. المشكله حلها مو في متابعت الموطفين المشكله في جهل المواطن في القانون و واجبات الموطف الحكومه تجاه. الحل سهل لازم انغير من فكر المواطن يعني نلغي عبارة (ادفع بس امشي حالي) و لازم انغير فكر الموطف الي بفكر الناس عبيد ابوه. و يجب على الموظف معرفة واجباته وان هون في خدمة الناس و ان الراتب الي بوخذه من جيبت المواطن مو عن روح ابوه
|
25- صح لسانك
بواسطة
محمد الغويري
1/7/2010 4:57:54 AM
صح لسانك يا ازعبي ويسلمو ياحسبان عالوصف عالوجع والله
|
26- جرس السفارة آآآآآخ
بواسطة
فايز الشرع/دبي
1/7/2010 6:06:27 AM
تحية صباحية للمعزب ورفاقه ولجميع الاخوة والاخوات المعلقين اللذين سبقوني واللاحقون ...
صدقت يا ابو عبدالله ، السفارة قبلة المغترب ، يا الله ما أجملها من الخارج ؟!!!!!!!
على كلّ، قدرنا أن نغصّ عشقا ً بالوطن .. برغم كل الصدمات التي نتلقاها من بعض أبناءه...
حما الله الاردن من كل مكروه و كاره..
دمتم جميعا بودّ
|
27- Germany
بواسطة
Ibrahim
1/7/2010 6:19:38 AM
I just want to say that everything you said is very very right. i live in Germany and when i wanted some papers stamped it was like asking for ???? the man was very nasty no respect at all and in the end he said if you want everything done fast and good go to Jordan and do it there???? Ya karmet al ali mafe faide
|
28- العنطزه صفة رجوليه يعتبرها البعض
بواسطة
reem albawadi
1/7/2010 7:50:52 AM
الله اصبح الوطن واهله بخير لما العنطزه صفه لدى معظم موظفين القطاع العام ؟لان غالبية الموظفين يحصلون على هذا الكرسي سوا كان كبير او صغير بالواسطه لا بالاحقيه والتنافس ناهيك عن الكشره الاردنيه الاردنيه بامتياز والتي اصبحت لنا عنوان من مناسمع بان وزارة الخارجيه تطلب تعين ...... او دائرة الجمارك مثلا وان حصل بعدما يحتل الموظفين كراسيهم.بعدها يبدا مشوار العنطزه وكان الوظيفه اصبحت ملك له او ان المراجع ياتي لبيتهم يستجدي والسفاره جزء من هذا القطاع وهذايدل على ضعف الوازع الوطني ولاخلاقي عند المتعنظزبن
|
29- تحية محبة
بواسطة
هايل عطالله الملكاوي - الامارات
1/7/2010 7:58:44 AM
السلام عليكم وتحية ود لك يا أمير الكُـتاب
ولي الشرف بمناداتي من قبلك بأمير المغتربيبن رغم حداثتي بالاغتراب
ليس لدي أي تعليق فقط حبيت أصبح على الوطن عن طريق سواليف
واتمنى أن يأتي الوقت الذي يعود فيه كل المغتربين للاردن
* اتمنى على القائمين على الموقع بتحديد موعد لتنصيبب الزعبي بأمير الكُـتاب , ليس فقط على مستوى الموقع بل عبى مستوى الوطن لأنه بحق الكاتب السوبر والخالي من النفاق * مع خالص محبتي
|
30- معقول
بواسطة
عمر العودات
1/7/2010 8:33:49 AM
معقول يا جماعة هالحكي
|
31- استفتاء
بواسطة
عمر العودات
1/7/2010 8:43:10 AM
الى كل مغترب اردني يواجه مشاكل مع موظفي السفارة الاردنية ان يبعث للزعبي اسمه وعنوانه والمشكلة . وخلينا نشوف هالحكي حوادث بسيطة ولا ظاهرة
|
32- الكشره الاردنيه
بواسطة
وائل بطاينه
1/7/2010 8:46:08 AM
بيني وبينك الكشره هاي احسن اشي بالغربه بتحس كانك ما انت مسافر والله بس في شغله هي التعامل الجلف والمجاحره هاي ظاهره يجب القضاء عليهابس بالغربه كمان لاحقين يجاحروا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وشكرا على المقالات الحلوه يا خال
|
33- والله العظيم
بواسطة
جهاد كلوب
1/7/2010 8:56:22 AM
قسماً بالله أجلف واعنطز من موظفي سفارة الاردن في ابوظبي لم ارى...
بياخد مني الف درهم والمبلغ المطلوب 150
بحجز مني 850 درهم لتاني يوم عشان الاخ ما معه فراطه
ما في مره اتصلنا في السفاره ردو علينا...
اااااااااااااخ بس على الجلافه جد اشي بخنق
جلافه لا توصف...
على العكس تماما القنصليه في دبي...
شكر خاص وموصول فس نفس الوقت للقنصليه ورئيسة القنصليه في دبي شيء رائع...
|
34- مبتسم مبتسم مبتسم
بواسطة
jordanian
1/7/2010 8:58:06 AM
اولا صباح الخير يا استاذي الفاضل
ثانيا شخصيا انا باعتقد انه هذه الاعمال شخصيه لاني انا براجع في سفارتنا بابوظبي وبصراحه هنالك شخص الله يصبحه بالف خير بقوم بعمله بشكل رائع وهو مبتسم والله اني اقول الحق
لكن رغم ذلك انا متفق معك انه ما حدا برد عالتلفون.... وهي الي انا مش قادر افهمها
|
35- قدوتنا جلالة الملك
بواسطة
غالب شرايحه
1/7/2010 9:02:24 AM
اخي احمد انت نقلت معاناتك في تعاملك مع سفاراتنا قبل ست سنوات والظاهر ان المعاناه لا زالت بدلالة ورود ثلاث رسائل لك تشكو المعاناه نفسها
الحكومات السابقه ابتكرت طريقة المراجع الخفي لتقييم أداء الموظفين في الدوائر الحكوميه وللوقوف على حقيقة الواقع في التعامل الرسمي مع المواطنين مقتدية بالمبادرة التي كان يقوم بها جلالة الملك متخفيا بزياراته العديدة للدوائر الحكوميه للوقوف على واقع الخدمات التي تقدمها هذه الدوائر للمواطنين ثم يوعز بتصويب الخلل ان وجد
اطالب باحياء تلك المبادره القدوه
|
36- باب النجار مخلّع
بواسطة
ابن الليل
1/7/2010 9:11:56 AM
الحكومة تطلب من مواطنيها في الخارج ان يكونوا سفراء لها في الخارج وقدوة في التمتع بالأخلاق الحميده وفي طيب المعشر وحسن المعامله وما خطر على بالها
بأنها هي الأولى بتطبيق ذلك على موظفيها في سفاراتنا في الخارج
يا طبيب داوي نفسك أولا
|
37- غريب في بلدي
بواسطة
جنوبي الهوى
1/7/2010 9:12:42 AM
تخيل يا ابو عبدالله اننا دوله واحده لا تقسمنا اقطار ولا يوجد سفارات ولا جوازات سفر داخليه بيننا تخيل ان مولدك عندما سجلته ان جنسيته " عربي " تسجله بدون اي بلد ..
اخي مقيم في اوكرانيا منذ 25 سنه ويحل المشاكل التي تعجز عنها السفاره فلا اعرف ما هي فائدة السفير الموجود هناك هل هو مجرد فزاعه ام ماذا ؟
لا تناشد وزير وعلا عالبالك الوضع سيء لانه لو فينا خير كان الناس ما يتروح تتغرب من قناعتي انه رزق الشخص مقسوم خارج الوطن .
صح يا ابو العباس ؟
|
38- في مدريد
بواسطة
معاذ الجهماني
1/7/2010 9:16:59 AM
انا عشت في مدريد حوالي 3.5 سنة...تخيلوا اجاني دعوة من السفارة الاماراتية لحضور حفل استقلال بلدي؟؟!!!
مع اني كنت مسجل عنواني بالسفارة واحنا الاردنيين في مدريد كنا بننعد عالاصابع..
اتصلت مع السفارة.الموظف المسؤول انكر انو رح يكون في احتفال!!! حكيتلوه والله ما بدي اكل بس اجتني الدعوة من اصدقائي و احبائي بالسفارة الاماراتية و انا مقطوع بدي اتعرف على شقفة اردني.بعدين اتصلو فيي -بتوجيه من السفير- و انو رح يحطولي الدعوة عباب الفندق؟!!!
ملاحظة: كان يجيني دعوات سنوية من السفارة الاماراتية بعيد الاتحاد
|
39- ندمت لدخولي السفارة
بواسطة
محمد سليمان
1/7/2010 9:26:18 AM
في الرياض ذهبت لغرض ما وواجهت كل ما ذكره الكاتب واتذكر بأسى ذلك اليوم الذي اضضطررت فيه لمراجعة السفارة
|
40- صاحب التعليق 33
بواسطة
ناشد اخوان
1/7/2010 9:33:17 AM
يبدو يا أخي انه لك قريب أو صديق بالقنصلية في دبي .. لأن ماقلته عنها منافي تماما للحقيقة ، وما بعرف انت منين جبت هالحكي .. كل الاردنيين بدبي والامارات الشمالية ، رأيهم بالقنصلية عكس ما تفضلت به .. (اللي بدري بدري ..)
|
41- الشغله خربانه
بواسطة
ابوشادي دبي
1/7/2010 9:38:21 AM
صباح الخير ابو عبدالله وشي منها هالتكشيره الي بكشروها موظفو السفارات . للاسف هاي لحظات الاحباط بتصيبني كل ما دخلت القنصليه بادخل بابتسامه بطلع بشبه شلوت لدينا الكثير من الافكار كجاليه نفيد بها الوطن ولكن كيف تطرحها وعلى من اذا الموظف مش مكلف خاطره بتطلع بصباحك . المراجعين بينتظرو وهو مبعد عن الكاونتر وبشرب شاي وبدخن المشكله ان الموظفين غير مدربين للتعامل مع الجمهور المدني لان الخلفيه غير مدنيه
|
42- النجدة
بواسطة
الماسة وحساسة
1/7/2010 10:00:45 AM
صباح الخير للجميع
من مبارح وان عم بستنى حد يجاوبني على سؤالي بتعليق7
معكم للمساء اذا ما حد جاوبني.بروح للارشيف.
واكيد في منكم اشخاص بقلوبهم رحمة وما بحبوا اتغلب واتغرب عن مقالة اليوم
|
43- الى 41 أبوشادي
بواسطة
فايز الشرع /دبي
1/7/2010 10:18:38 AM
حيا الله أبو شادي ، أخيراً دخلت .. صدقت خيّوه (وشّي منها هالتكشيره ) ... فكرك وزارة الخارجية رح تقرأ المقال و تحرّك ساكن ، ما أظن ، لانها عندها خبر من زمان باللي بصير ببعثاتها الدبلوماسية ، ولم يتغير شيء ..
للانصاف يوجد قلّة قليلة جدا من الموظفين ، يتعاملون بلطف مع المراجعين
__________
المحرر : تم حذف الملاحظة دون علم المعزب . للعلم مع تحياتي
|
44- الماسة وحساسة
بواسطة
فايز الشرع
1/7/2010 10:25:36 AM
نهارك سعيد ، نعم معزبنا الكاتب ، كان مقيم معنا هنا في دبي ، وربنا فتحها عليه و أعاده الى الوطن ( يبدو في شي لله ) ، عقبالنا ..
|
45- ما فيش احلى من الاردن
بواسطة
أسامه دويري
1/7/2010 10:35:13 AM
بصفتي جديد بدبي ولأني بعدني ما بعرفش اشي تقريبا ... ضعت ساعتين لحتى وصلت السفاره.. بس لما وصلتها كانت درجه الحراره اشي وميه ورطوبه وما فيش مكان اصف السياره... بس لما شفت العلم الاردني تقولني باقي مضيع اشي.
ولو مكان عملي قريب من السفاره كنت رح امر كل يوم بالروحه والرجعه من عندها... يسعد الاردن ما احلاه، واربد احلى اشي.
سلامات من الغربه
|
46- 1
بواسطة
ليث الزعبي
1/7/2010 10:44:06 AM
يا اخوان ... والله انه بلدنا ما هي محترميتنا ... انا كان لي اصحاب من الخليج وانا في الاردن وشوفوا كيف كانوا يعاملوه ...والله يحكي مع السفير بذاته ومع مستشاره اذا صار معه مشكله ويسرعوا في خدمته الى متى سيظل الاردن هو البلد الذي يجوع شعبه ولا يحترمه ... بدو يعرف السفير انه وضع لخدمتنا وغصبن عن اللي خلفوا ... ولو صايره معي كنت مسحت الارض فيهم لانه جلالة الملك لما وضعه واعطاه الثقه وضعوا لخدمتنا كالاردنين ..
|
47- بيعين الله
بواسطة
حمادة
1/7/2010 10:51:02 AM
والله هالمواطن الاردني ملعون حرسه وين ما راح
|
48- ممتاز
بواسطة
yahia
1/7/2010 10:51:38 AM
يا اخوان جد ممتاز هذا الاشي لحد ما
مشان لما يفكر المغترب يروح
يعد للمليون
|
49- سبحان الله...
بواسطة
العنقاء
1/7/2010 11:12:52 AM
يسعد صباحاتكو بالخير والابتسلمة
أني من زمان عندي نظرية
انه الكشرة الأردنية صارت ملتصقة بالجينات عنا
وقانون الاستعمال والاهمال ينطبق أيضا على وجوهنا
والذي يظهر من خلال الخطوط الطولية التي تلازم جبهتنا
رأيي المتواضع كدائما
(ا تندهي ما في حدا)
فلا تحاول تغيير الوضع المزمن
ما في فايدة
خض المي وهي مي
قبل يومين قرأت للجمووح تحليلا علميا لسبب الكشرة
وهو نقص فيتامين ب12
أنا أشك بذلك
لإن الطفل الذي يبلغ من العمر ساعات
نراه عقد الكشرة على جبينه
وعلى راي فيروز
يا عاقد الحاجبين
هذه الاغنية للأردنيين.....فقط
|
50- ناس سايبه وسفارات غايبه
بواسطة
أحمد عبد النبي الحموري
1/7/2010 11:18:23 AM
الصحيح ما حصلّيش الشرف تازور سفارتنا الموقرة في واشنطن لا شخصيا ولا قطيعه... مرّه ودّيت ايميل كنت بدّي أشوف اذا في عندهم شغلات عن الأردن عشان المهرجان اللي بتساويه جامعتنا في نيو مكسيكو ومره رنينا تلفون وتركنا رسالة صوتيه لكن ما عند اقريش خبر .. فقررت أفتح البيت اللي ساكنه سفاره وعلقت علم الأردن عالشباك ... وعبّيت الغرف اعلام بمختلف الأحجام ولا جميلة حدى...واذا صاحبك اتعنطز بحكم وظيفته ..فهون في ناس بتتعنطز وبتسوق عليك وطنيه مزيّفه ..رغم هيك علّقت رسمك في عرى كبدي..فغار مني ومنك الكون يا بلدي
|
51- وشي منها
بواسطة
ابوشادي دبي
1/7/2010 11:29:20 AM
الاخ فايز الشرع يعلم ويعاني ما يعانيه كل المغتربين من السلبيات التي نواجهها من الاشخاص الذين من المفروض ان يكونو هنا لخدمتنا كمغتربين عن الوطن جاليتنا من اروع الجاليات هنا مكانه واحترام واقلها حظا في قنصلياتها تمنيت طيلة عشرين عاما في الغربه ان ينزل احد قناصلنا من برجه لعاجي ويزور ابناء الجاليه في مكاتبهم او يدعو ابناء الجاليه للتعارف وللتعرف على مشاكلهم للاسف ياتون لعمل مشاريع وبزنس خاص سيارة القنصل احسن من سيارة الرئيس الالماني وعمل علاقات وتوضيف بعض الاقارب ان امكن يعني باختصار جمعه مشمشيه
|
52- الاخ فايز الشرع
بواسطة
الماسة وحساسة
1/7/2010 11:47:56 AM
الاخ فايز الشرع
صباحك كله خير.انا مرة قرأت انه كان مغترب لكن زمان يعني حسبتها من 15 سنة
واستغربت انه عم بحكي قبل 6 سنوات.
على كل حال شكرا" للفزعة .ان شاء الله بترجع لبلدك سالم غانم
|
53- صباح الخير لكم جميعا
بواسطة
ابو العباس
1/7/2010 12:14:43 PM
الأخ العزيز جنوبي الهوى : صباح الخير ،
معك ومش معك .
مش معك :
لأنك لو فتحت الابواب فالشعوب العربية لن ترحم بعضها بالتهريب ولعانة الحرسي والنصب والاحتيال ورح تلاقي بكل عاصمة خليجية مليون او مليونين عربي نايمين عالأرصفة ورح تلاقي عمليات النصب والتزوير والاحتيال مولعه للسما . اخي ابراهيم تستطيع أن تفكر بالوحدة حينما تهذب أنفس لا يقل عن 90 % من الشعوب العربية يعني هل الفرنسي الذي يدخل المانيا كالعربي الذي يدخل دولة عربية اخرى ؟ أما انا معك في صورة اخرى من صور التكامل والرقي الحضاري .
|
54- الأخ جنوبي الهوى/2
بواسطة
ابو العباس
1/7/2010 12:31:20 PM
انا معك اخ جنوبي الهوى لما تطلب التكامل والتوافق بين الشعوب والدول بعضها ببعض . خذ مثال أنا كأردني والأردنيين في السعودية يقرأون الآن ماذا اكتب وهم يعلمون حقيقة ما أكتب ، في الحدود السعودية أعامل معاملة الفرنسي المتحضر عندما يدخل الحدود الألمانية بمعنى أنني وانا جالس في سيارتي وخلال دقائق قليلة معدودة على تنتهي اجراءات السيارة وتنتهي اجراءات جوازات السفر والأجمل من هيك الابتسامة على وجوة السعوديين والكلمة الطيبة والسلام والتمنيات بقضاء اجازة سعيدة ببلدنا ودعاء العودة بالسلامة .
|
55- مجددا للأخ جنوبي الهوى
بواسطة
ابو العباس
1/7/2010 12:43:32 PM
اخ جنوبي الهوى ادعوك لزيارة حدود العمري لتقف وتتفرج على النشاف والجفاف والعقده والكشره بالدخول وبالخروج . ويا ويل واحد بقول لهم يا اخوان وين راح الموظف ، او يا اخوان ارجوكم انا قدامي 1500 كيلو من هون تا اوصل مكان اقامتي بالرياض واطفالي معي اختمولي هالجواز خليني امشي .
أعود لموضوع السفارة لاحقا .
|
56- وسرقة كمان
بواسطة
Rose
1/7/2010 1:00:08 PM
فيه مصيبة اكبر واكثر دواعي لخجل بسفارتنا
انا سرقوني عينك عينك سرقوا موظفي سفارتنا في واشنطن عشرون
دولار و ادعوا انها لم تصلهم تعاملت معهم كما اتعامل مع الامريكان
وبعثت عشرون دولار في مغلف المعاملة
خجلت بهم والله كلهن عشرون ومش حرزنات لكن تاخرت المعاملة
اكثر من شهر
|
57- مغترب
بواسطة
zidon
1/7/2010 3:21:16 PM
انا بصراحه مغترب ومع ذلك ما شفت شي من اللي بتحكو عنه بالعكس لما نروح عندهم بشيلونا على كفوف الراحه
|
58- الجلافة فن؟
بواسطة
امونة
1/7/2010 4:14:18 PM
صراحة مش بس في السفارة بتلاقي هاي السوالف يا أخ احمد ، هذا منظر لازم تشوفه بجميع الدوائر الحكومية" على امل تغيير الموظيفين ويعينوا موظفين أقل جلافة " حتى لا نموت من اللف والدوران بين المكاتب ، وانت تردد بعبارة وحدة على لسانك """ هل من مجيب """ . آآآآآآآآآآآآآآآخ يا رجلي؟
|
59- انتو كلكو غلطانين
بواسطة
رافع راسه
1/7/2010 4:16:56 PM
اسمحو لي احكي الكم انكم كلكم غلطانين اكثير
احنا عنا باستراليا السفارة كثير ممتازة ـ بتروح هناك اول اشي بستقبلوك بالمطار وبعدين بوخذوك بسيارة السفارة للسفارة وبالطريق بشترولك سندويشات وعصير دمعة . وبس تصل السفارة بكون السفير واقف برا وبوخذك بالحضن وبقولك اهلاً بريحة الوطن " احنا بخدمتك" وبعدين بتدخل على السفارة وبيجك الموظف مبتسماً وبسألك بتحب تشرب الشاي بالهيل ولا بالميرمية وبعدين باخذو الاوراق منك ويعمل المعاملة في مدة قياسية لا تتعدى الخمس دقائق. كل ذلك وانت تتحدث للقنصل عن اسعار النفط .
|
60- عودة للسفارة
بواسطة
ابو العباس
1/7/2010 4:22:43 PM
كل ما كتبته من وقائع لا يعني بأن المواطن الذي يراجع السفارة في الرياض يلقى المعاملة والتسهيلات المفروض أن تقدم له . خدمة الهاتف شبه معطلة وإن ردت عليك الموظفة بعد طول معاناة تحولك الى تحويلة داخلية قلما أحد يجاوب عليها .
أوجه سؤال الآن لسفارتنا بالرياض لماذا لا يتم تفعيل موقعكم الالكتروني ليستطيع من خلالها الأردني التواصل معكم دون عناء ؟ لماذا لا تخصصوا نافذة في موقعكم خاصة بالمغتربين الأردنيين ؟ لمعالي السفير قفطان المجالي الذي لا اعرف هل مازال أم غادر السفارة خلال الفترة القريبة الماضية /
|
61- لمعالي السفير
بواسطة
ابو العباس
1/7/2010 4:33:56 PM
لماذا لا يتم التواصل والتفاعل مع المغتربين وهل لدى السفارة معلومات عن المواطنين الأردنيين أو عددهم أو هواتفهم ؟ وما هي الفئات التي يتم دعوتها سنويا ببطاقات دعوة لحضور احتفالية عيد الاستقلال في 25 أيار من كل عام ؟ وما هي الأسس التي تختارون فيها مدعويكم ؟ ولماذا لا يتم دعوة عامة لكل الأردنيين ، اذا كان مبنى السفارة لا يتسع لكل الأردنيين فما المانع من دعوتهم الى ساحة الكندي المجاورة للسفارة وهي ساحة عامة وجميلة داخل حي السفارات مضاءة ومنسقة ومبلطة بالرخام ومزروعة بشتى أنواع النباتات والزهور .
|
62- منذ أيام
بواسطة
ابو العباس
1/7/2010 4:41:43 PM
منذ أيام شكى لي أحد الزملاء من تأخير تجديد جواز سفره وجواز سفر زوجته لأسابيع رغم دفعه لمبلغ ربما يعادل اكثر من اربعين دينار أجرة فاكس في سبيل التسريع في التجديد وكانت أسرته على وشك السفر على متن شركة طيران خاصة ولا تستطيع استعادة ثمن التذاكر مع عدم توفر حجوزات جديدة في حال تأجيل سفرهم . لماذا يوضع المواطن تحت هذا الضغط النفسي والانتظار المقلق والمحبط .
|
63- وكالة
بواسطة
ابو العباس
1/7/2010 4:56:57 PM
منذ سنتين أو ثلاث كانت زوجتي بحاجة لعمل توكيل لأخيها في الأردن فذهبنا الى محكمة شرعية هنا في الرياض واصدرنا وكالة شرعية بتوقيع القاضي الشرعي والمحكمة ، الوكالة مجانية ودون أن ادفع ريالا سعوديا واحدا وتم تصديقها من الجهات المعنية وذهبنا للسفارة لعمل اي اجراء أو تصديق قد نحتاجه من السفارة فقيل لنا هناك أن هذه الوكالة لا يعمل بها في الاردن واعطونا نماذج من السفارة قمنا بتعبئتها ودخلنا للمكاتب الداخلية بالسفارة حيث كاتب العدل وقام كاتب العدل مشكورا بإصدار الوكالة وتوقيعها برسم مقداره 420 ريال سعودي.
|
64- وكالة 2
بواسطة
ابو العباس
1/7/2010 5:01:53 PM
420 ريال يعني 70 أو 75 دينار اردني ومن السفارة توجهت لوزارة الخارجية السعودية وصدقتها من الخارجية وأرسلتها للأردن ، وهناك تبين أن الوكالة غير معمول بها والمطلوب حضور أصحاب العلاقة شخصيا .
بدون تعليق .
تحياتي للجميع
|
65- يخزي العين عن سفارتنا بدبي
بواسطة
mohammad
1/7/2010 7:01:09 PM
انا طبعا ما بدب اظل اكرر انو الجماعة ما بردو لان هذا من طبعهم جميعا ، يعني ملاعين الحرسي بتحسهم بشتغلوا ببلاش وبتصدقوا على الحكومة، انا حكيت معهم مرة والله الرجل الي رد علي بغد شي 4-5 ساعات وانا بتصل عوفني الحياة والبلد ودبي وكل الدنيا يا احي والله عيب انت موجود لخدمتي وتأخذ مالا من أجل ذلك لبش بتتعنطز
اخص بس ....
|
66- The system is wrong too
بواسطة
Nidal
1/7/2010 7:37:16 PM
It was so funny last year I had to renew my passport in Canada. I called embassy and said renewal of the passport takes 6 months and I had to go for a conference so I was saying whattttttttt!!! six months for what? it takes 10 minutes in Karak, but the consular to be honest was so nice and understanding. It is so important to simplify the procedures outside the country and not make them super complex!!
|
67- سفارات أم نقاط جباية
بواسطة
محمد أحمد
1/7/2010 7:37:22 PM
أنا مغترب منذ أكثر من 12 سنه وأقمت في أكثر من 4 دول أجنبية وعربية. سفاراتنا للأسف عباره عن نقاط لجباية الأموال. المفروض أن تقف السفاره بجانب جاليتها في المحن ولكن للأسف تزيد الطينه بله عندما يقول ممثلو السفاره احنا بدنا نركض ورى همل؟؟ هذا بالأضافه الى النعرات التي تساهم بها سفاراتنا في الأعياد الوطنيه -اعيادكل الأردنيين- عندما يتم دعوة فئه معينه من الأردنيين بناءا على موقعهم الجغرافي على الخارطه الأردنية وتجاهل الفئه الأخرى. كلنا أردنيون وهاشميو الولاء ولا يحق لأي كان أن يهمش أحدا منا.
|
68- كلام ذهب
بواسطة
عبدالله أحمد
1/7/2010 11:57:20 PM
للاسف كلام استاذنا احمد صحيح 100%. عشت في نيويورك 15 سنه والله لا يوريكو المعامله اللي تغم البال في القنصليه والان في الرياض والحال احسن شوي بس الاردن الان معروف انه بلد وضعه احسن من الكثير من البلدان العربيه والمفروض من الجميع يحاول انه يساعد صورة الاردن.
شكرا استاذ احمد
|
69- الحمد لله على كل حال
بواسطة
طراونه
2/7/2010 2:24:16 AM
الله يعطيك العافيه استاذي الكريم ،شفافيه واضحه وواقع مؤلم
يا ريت انهم بس ببتسموا بوجه المغترب في السفاره وعند ختم الدخول لمطار عمان
|
70- جمعة مباركة ودعائكم مستجاب بأذن الله
بواسطة
الماسة وحساسة
2/7/2010 10:19:57 AM
دعاء ليوم الجمعة . اليوم الذي ولد فيه آدم . وفيه أخرج من الجنة . وفيه ساعة الدعوة فيها مستجابة . وهو هديتي لك أخي المسلم وأختى المسلمة
اللهم لك الحمد حمداً كثيراً طيباً مبارك فيه
اللهم لك الحمد كما ينبغي لجلال وجهك وعظيم سلطانك
اللهم لك الحمد عدد خلقك ورضى نفسك وزنة عرشك ومداد كلماتك .
اللهم لك الحمد حتى ترضى ولك الحمد على الرضى .
اللهم لك الحمد ملئ السموات وملئ الأرض وملئ ما بينهما وملئ ماشئت بعدهما .
اللهم صلى وسلم على سيدنا ونبينا محمد وعلى آل سيدنا محمد كما صليت على سيدنا إبراهيم وعلى آل سيدنا ابراهيم انك حميد مجيد
|
71- ناوية ع الغربة,, للأخ DOVE
بواسطة
نشمية
2/7/2010 12:44:00 PM
سبحان الله,, إجا هالمقال بوقته المناسب,, لإني ناوية أسافر لأستراليا بعد فترة بسيطة وكنت معتمدة إني أجدد جواز سفري( الذي ستنتهي فترة صلاحيته بعد 6 أشهر تقريبا) في السفارة الأردنية بأستراليا,, ممكن الأخ/ت Dove يفيدوني بأي معلومات ممكن أستفيد منها بالنسبة لسفارتنا الأبية باستراليا,, أنا ح أدرس بــسيدني إن شالله,,
تحية احترام وإجلال إلك أبو العبد ولكل المغتربين الأردنيين,,
تحية ملؤها حب الوطن والشوق إليه,, حتى قبل أن نغادره,,
|
72- جمعة مباركة لسفاراتنا وللجميح
بواسطة
عمان في القلب
2/7/2010 12:46:03 PM
صباح الخير للمعزب والأحمدين
صباح الخير لسفاراتنا ولجميع الحاضرين والغايبين
صباح الخير لكل اللي بشتكوا من قلة الفراطة بسفاراتنا واللي بشتكوا من التلفون اللي دايما ما في حدا بجاوب عليه بسفاراتنا
غريب بالعادة في موضوع جديد بالقهوة يوم الجمعة .... ليش هالمرة ما في ؟؟!!
|
73- للمصلحة
بواسطة
الكركية
2/7/2010 2:25:04 PM
يلي بسير بالسفارات لمصلحة المغتربين يعني على الاقل بتشعر انك ببلدك مش خارجها...
|
74- موسكو
بواسطة
الخطاطبة
2/7/2010 8:10:47 PM
اخ من الغربة بس والله يعين كل معترب والله الواحد ما بحس بوطنه الا لما يسافر
كنا متاملين نروح هالصيف بس شكله ربنا ما كتبلنا
الله لا يسامح كل من وقف بطريقي
|
75- بدون قهوة
بواسطة
دبل آر
2/7/2010 8:54:33 PM
بعيدا عن موضوع المعزب فقد علقت عليه سابقا.. هل تأثر الموقع بارتفاع سعر القهوة ليغلق القهوة..؟؟ نرجو ألا يطول الأغلاق فهناك موضوعات كثيرة جديرة بالمناقشة .. لمشجعي البرازيل حظ أوفر في الأعوام القادمة.. وخلينا نشوف الأرجنتين بكره...
|
76- سفارة برلين
بواسطة
الحج خلف
3/7/2010 10:56:46 AM
خلال غربتي من 1994 لحد اليوم اتعاملت مع سفارتنا في انقره وفي برلين. للحق جماعة انقره كانوا من احسن ما يمكن.. الله يعطيهم الف عافيه. علاقتي مع سفارتنا في برلين كانت لا تتجاوز بعض الاتصالات الهاتفيه للاستفسار عن بعض المعلومات لا غير.. الموظف المسؤل في القسم القنصلي كان رده وكلامه من ابشع الردود.. لدرجة اننه سكر التلفون بوجهي لما طلبت احكي مع القنصل. للعلم المحترم في سفارته, كل الناس بتحترمه..
|
77- في مدريد 2
بواسطة
معاذ الجهماني
3/7/2010 11:22:44 AM
بدي اضيف الملاحظتين عشان اكون منصف و مش كل اصابع اليد متساوية...
- كان رئيس الديوان بالسفارة بمدريد يرافقني للدكتور لما اكون مريض عشان ما كنت بحكي اسباني... و كمان كان يرشدني عالامور اللي لازم اعملها كونه خبير باسبانيا و للعلم انو كان يساعد كل اردني كان يتعرض لمشكلة في مدريد كونه بيدرس حقوق... ما حدا حكالي...شفت بعيني....
-و كمان السفير بنفسه كان يتصل معي عالشغل يطمن و يسأل عني من وقت لآخر وهذا الشي كبير كبير....
ملاحظة: ليس لي اية صلة قرابة لا من بعيد و لا قريب من السفير او رئيس الديوان
|
78- عرفت سر ارتفاع الاسعار
بواسطة
الكركية
3/7/2010 11:27:32 AM
يا اخوان سر ارتفاع الاسعار هو كالتالي:
الحكومة بدها تخلي وضع الشعب يسير زي الزفت و بعدين تحكيلنا بدنا نجيبلكوا شي كم الف وافد وقادم و نخفضلكوا الاسعار كثير و اكيد بهالحالة ما ناس رح يحكي لأ.. و هكذا... ولا شو رأيك سيدي المحرر؟؟ انا بصراحة بحكي نتحمل شوي لحتى يكملوا خطتهم و ان بعد العسر يسراً
|
79- في كل اشي بتعلق ب اشي اسمه حكومة بصير هيك
بواسطة
Isra Qassem
3/7/2010 11:51:55 AM
السلام عليكم وصباح الخير على كاتبنا وأخونا و صاحبنا و زلمتنا و رجالنا و أستاذنا أحمد الزعبي قرابتنا ... والله يا سيدي الموضوع مش بس موجود في السفارات لا والله هاد الموضوع موجود في أغلب دوائرنا الحكومية و وزاراتنا و جامعاتنا الرسمية ..أنا شخصيا صارت معي في جامعة ...... , أنا سكان عمان و مشواري كثير بعيد تخيل من عمان للمفرق ,خذلك طبعا 3 ساعات مواصلات روحة و3 ساعات ونص رجعة ..المهم رحت على التسجيل وقتها مشان آخذ وراقي مشان أنقل على جامعة اقرب إلي المهم بلا طول سيرة الموظف الموقر يلي هناك قال شو
|
80- على قولتك : غطيني يا كرمة العلي ما فيش فايده
بواسطة
Isra Qassem
3/7/2010 12:14:21 PM
شو قالي :"خليكي لبعد الساعة 2:00 بخلصلك ياها"طبعا أنا قلت مو مشكلة بستنى..طبعا مع العلم انه الساعة كانت 9:30 صباحا.استنى استنى..المهم رحت عنده على الثنتين مثل ما قالي طبعا بعد ما كل اشي سويتو..افطرت وتغديت وتعشيت و روقت وتحليت وتملحت ونمت وفئت المهم قلتلو"لو سمحت شو صار في وراقي؟قالي طبعا- وهو شوي ب ليحني بالكف ليش مابتعرف- شو اسمك؟جاوبتو .قالي:استنى شوي..آه هاي بدها توقيع و ختم..وقعلي ياها وختمها وأخذتها منو..بعد عدة ثواني بلمت و ما استوعبت انه خلاني طول الوقت مشان يختمها ويوقعها بأقل من دقيقة
|
81- دائرة جوازات
بواسطة
عبدالله الشرع
3/7/2010 1:50:16 PM
سفارتنا الغالية بالرياض تحولت لدائرة جوازات. عندما تطلب رقم السفارة يرد البريد الصوتي و الخيارات توحي بأنك اتصلت بمكتب جوازات, اتصلت معهم لمعرفة هل يوجد أي احتفال بالمناسبات الوطنية و أجابتني الموظفه في بس البطاقات خلصو طيب كيف بتخبرو الناس مشان المرات الجايه قالت با في طريقه معروف كل مناسبة استقلال عنا عزيمة عشاء. و سألت أح الموظفين ليش ما بنسمع عنكم أخبار و لا نشاطات و تحجج بطبيعة البلد و إنهم مقيديين بطبيعة البلد علماً بأن لي زملاء من جاليات أخرى سفارتهم على اتصال دائم معهم و تشاركهم.
للعلم
|
82- امير الكتاب
بواسطة
مصطفى / الامارات
3/7/2010 4:02:32 PM
يعني هذا الموضوع كثير حساس ... وصار مطروح اكثر من مره ...اكيد التعميم غلط في كل شي بحياتنا ...بس واضح انه في اشي غلط ...السؤال : ليش الحكومه مطنشه هذا الموضوع ... ليش الحكومه مطنشه المغتربين ...مع انهم افضل رافد لاقتصاد البلد وبدون اي تكلفه على الحكومه ..وانما التكلفه هي فقط ...دم المغترب واعصابه وصحته ..ولوعته على اهله وبلده ...الخ ...الجواب لانه الرافد الوحيد للاقتصاد والذي يصعب فيه على المتنفذين ( لحس اليد والسرقه ) ... لاتغطينيش يا كرمه ...انشاء الله بموت من البرد ..اصلا ما فيش بالامارات برد
|
83- تاييد ل 76 شكر للقنصل في تركيا
بواسطة
من تركيا
3/7/2010 7:07:37 PM
القنصل في تركيا الكايد ما في حدا ما ساعدو سمعتو زي الذهب الكل بحبو وبلجو الو ساعد الجميع طلاب وجالية بعرفهم وما بعرفهم
كلمة حق
|
84- 100%
بواسطة
خالد الجويعد العمري
6/7/2010 5:33:47 PM
تماما ما في فراطة ،، الكشرة ،، الرغبة في الإحساس بالأهمية ،،، العُقَد العظيم ،، والله أنتشي كلما مررت بجانب قنصليتنا في جدة ،، أشعر بنوع من الشموخ والحماية والفخر عندما أرى بيرقنا يرفرف ،، وأستعد وأبتسم عندما يكون لزاما عليّ مراجعتهم ،،، الموظف بالثقافة الخاصة بموظفينا في الأردن ،، يُشعرك بأنك في الأردن ،،، بس في النهاية الله يسعد هالكشرة
|
|
|
