الله يعطيك الف عافيه جدي صباح البركه تنثرها على الدار وصباح الخير مع دقة اذان الفجر
والله ياجدي مشتاقين مشتاقين ياجدي للقعده وللمه ومشتاقين لحنين ايام زمان ...
جدي مشان الله تسامحنا الحضاره سرقتنا جدي بتذكر زمان لما كنا نغلط كنا نقعدك بحضنك ونحكيلك التوبه
جدي بدي ارجع لحضنك واحكيلك التوبه خلص ياجدي مابدي بلاك بيري ومابدي انترنت ومابدي كمبيوتر ولاسياره ومابدي اصير من اصحاب البرستيج واكل بشوكه وسكين مابدي جدي خلص بتوب ان عملتها وفكرت ان اصير من ابناء الذوات واطلع على عبدون اوصويفيه جدي سامحنا مشاااان الله تسامحنا
جدي بدي ارجع لي زمان وايام زمان يوم ماكنت تحكيلنا عن الاسعار الببلاش وكنت تحكيلنا عن الخير وعن المحبه بين قلوب الناس
جدي هسا الناس صارت تنهش الناس والكل اللهم نفسي ومصلحتي
جدي هسا الاسعار فوق بنار والناس كل يوم بتزيد جوع والوضع كل يوم لتحت
جدي الناس بطل يهمها تعرف مين وصفى التل الناس بدها تعرف مين تامر حسني او نانسي
جدي الناس اكلتنا وذبحتنا كل يوم واسطه وكل يوم ضريبه وفي الاخير بضحكو علينا وبحكو بدل خدمات
جدي الناس صار يهمها مين بعرف مين ومين لمين والمعه القرش بسوا قرش والمامعه مابلزمه والشبعان بوكل الجيعان والغني بوكل الفقير والفقير بقدرة قادر بصير غني والحرامي شريف والشريف مختلس والمنافق هوا الصح والصح غلط والغلط صح ااااااخ ياجدي شو احكي لا احكي جدي الدنيا اكلتنا والحكومة ضربتنا كل يوم ضريبه والبنزين ارتفع والمواطن معه سياره ولامامعه بدفع اااااخ ياجدي مشان الله الحقنا ياجدي
والله ياجدي سامحنا سامحنا نسينا كلامك عن العزه والشهامة وعن الاخلاق واحترام الجار جدي كل هل الكلام صار بضاعة فاسده وصار البسمع هل الكلام اهبل ومابعيش
ااخ ياجدي ااخ حتى كلمة اخ من أخ والأخ بذبح اخوه عشان القرش ياجدي
والله الدنيا ياجدي ذبحتنا ذبحونا بلعولمه والانفتاح والحضاره
جدي سامحني انا بدي اترك حضنك وبدي اصحى من الحلم
جدي ملاحضه اخيره
البارح عملو تعديل وزاري قولتك بعدلو المايله
احمد الغلاييني
